adverise with khmeread Ruby

ទីបំផុត Wallace Huo និង Ruby Lin បង្ហាញមុខជាសាធារណៈ ដើម្បីឲ្យអ្នកគាំទ្រអស់ចម្ងល់

          តារា​ភាព​យន្ត Wallace Huo វ័យ​៣៦​ឆ្នាំ​ និងតារាស្រីតៃវ៉ាន់ Ruby Lin វ័យ​៤០​ឆ្នាំ​បាន​សម្រេចចិត្តបង្ហាញ​មុខ​ជា​សាធារណៈ​ជាមួយគ្នា​នៅ​ថ្ងៃ​ទី​២០​ខែ​ឧសភា​នេះដែល​ជា​និមិត្តរូប​នៃពាក្យថា “ខ្ញុំ​ស្រឡាញ់​អ្នក​”​ ក្នុង​ជំនឿរបស់ពល​រដ្ឋ​ចិន។

          ដំបូង Wallace បាន​បង្ហោះ​រូបភាព​នៅស្ទូឌីយោតាម​បណ្តាញសង្គម Weibo  ហើយ​សរសេរថា “ខ្ញុំ​សង្ឃឹម​ថា នឹងទទួល​បាន​ការជូន​ពរពីអ្នក​ទាំងអស់​គ្នា”។ បន្ទាប់​មក​ Wallace បាន​ផ្ញើសារទៅ Ruby។

          បន្តិចក្រោយមក Ruby បាន​ឆ្លើយ​តបវិញ​ថា “​ខ្ញុំសង្ឃឹម​និងអរគុណ។ គ្រប់​គ្នា​នឹងជូនពរ...”។ អ្នក​គាំទ្រ​ពិតជា​មិន​ជឿរឿងនេះ ហើយ​មាន​ម្នាក់​បាន​និយាយ​ថា “សូម​បញ្ជាក់ប្រាប់ខ្ញុំមក​ថា រឿងនេះគឺជា​ការ​ពិត​!”។

          មាន​ពាក្យចចាមអារ៉ាម​អំពី​ទាំងពីរ​នេះរយៈ​ពេល​បួន​ឆ្នាំ​មក​ហើយ។ អ្នក​ចាត់​ការ​របស់ Wallace បាន​បញ្ជាក់​ថា ទំនាក់ទំនង​នេះគឺជា​ការពិតហើយ​ថា “ពួកគេ​ត្រូវរ៉ូវគ្នា។ ពួកគេសង្ឃឹមថា នឹងទទួល​បាន​ការជូន​ពរ​ពី​មនុស្ស​គ្រប់គ្នា”។

          អ្នក​ចាត់ការ​របស់ Ruby ក៏បាន​បញ្ជាក់​ពីទំនាក់ទំនង​ស្នេហានេះដែរ។ អ្នក​ចាត់ការរបស់នាងបាន​និយាយថា ពួកគេជាមិត្តនឹងគ្នា​យូរមក​ហើយ ហើយ​​ចាប់​ផ្តើម​យល់​ចិត្ត​គ្នា​ជា​បណ្តើរៗ​ បន្ទាប់ពី​ប្រារព្ធ​ខួប​កំណើត​របស់ Ruby នៅ​ឆ្នាំ​នេះ។ នៅក្នុង​ពិធី​ខួបកំណើត​គម្រង់៤០​ឆ្នាំរបស់ Ruby កាលពីខែ​មករា Wallace ក៏មាន​វត្តមាន​ ដើម្បីអបអរខួបកំណើត​របស់​នាងផងដែរ។ Ruby ក៏បាន​និយាយ​ផងដែរ​ថា “បន្ទាប់ពី​ស្គាល់​គ្នា​១០​ឆ្នាំ យើង​គឺជា​មិត្តល្អនឹងគ្នា។​ទោះបីជា​យ៉ាងណា បន្ទាប់​ពី​ខួបកំណើត​នេះទៅ យើង​នឹងកាន់តែមាន​ទំនាក់ទំនង​ជិតស្និទ្ធ​ជាង​មុន”៕

 

adverise with khmeread
ប្រភព៖ asianpopnews

អ្នកនឹងចូលចិត្ត

មតិយោបល់