adverise with khmeread 322bebaf 35a5 4ca4 9366 f639e7f2c2a0

កូនស្រី​ជា​មនុស្ស​គរ​យក​កាំបិត​ចុង​ស្រួច​ចាក់​ឪពុក​ខ្លួនឯង​ពីក្រោយ​របួសធ្ងន់​

    កំពត ៖ មាន​ករណី​អំពើហិង្សា​ក្នុង​គ្រួសារ កើតឡើង​គឺ​កូនស្រី​បង្កើតជា​មនុស្ស​គរ​បាន​យក​កូនកាំបិត​ចុង​ស្រួច ចាក់ទៅលើ​ឪពុក​របស់ខ្លួន លិច​មួយ​កូនកាំបិត ធ្លាយ​ខ្នង​រងរបួស​ធ្ងន់ កាលពី​វេលា​ម៉ោង​៧​ និង​៣០នាទី ព្រឹក​ថ្ងៃទី​២៣ ខែឧសភា ឆ្នាំ​២០១៦ ស្ថិតនៅ​ភូមិ​ប្រា​ល ឃុំ​តានី ស្រុក​អង្គរជ័យ ខេត្តកំពត​។

​    ប៉ូលិស​និយាយថា ជនរងគ្រោះ​ជា​ឪពុក​ឈ្មោះ ជ្រុ​ន បេង អាយុ​៥៨​ឆ្នាំ មុខរបរ​ធ្វើស្រែ និង​ជនសង្ស័យ​ជា​កូនស្រី​បង្កើត ឈ្មោះ ជ្រុ​ន ស្រី​នួន​ ​អាយុ​២៥​ឆ្នាំ។

    ប៉ូលិស​បានឱ្យដឹងថា ជនសង្ស័យ​(​កូនស្រី​) បាន​យក​កូនកាំបិត​ចុង​ស្រួច ទៅ​លប​ចាក់​ឪពុក​បង្កើត​របស់ខ្លួន​ឯង ពី​ខាងក្រោយ ត្រូវ​ឆ្អឹងខ្នង​ត្រង់ចំណុច បោះដៃផុត​លិច​មួយ​កូនកាំបិត បណ្ដាលឱ្យ​រងរបួស​ធ្ងន់ ត្រូវបាន​អ្នកជិតខាង​ដឹក​យកទៅ​សង្គ្រោះ នៅ​មន្ទីរពេទ្យបង្អែក​ស្រុក​អង្គរជ័យ។

​    ប៉ូលិស​បន្ដទៀតថា ជនសង្ស័យ​ដែល​លប​ចាក់ ឪពុក​ខ្លួនឯង ជា​មនុ​ស្សគរ ហើយ​មាន​សតិ​ហាក់ មិន​គ្រប់គ្រាន់ ពេល​ដែរ សមត្ថកិច្ច​សាកសួរ មិនចេះ​និយាយស្ដី​គិតតែ​ក្រវីក្បាល។ បន្ទាប់ពី​មិនមាន​ពាក្យបណ្ដឹង​ពី​ជនរងគ្រោះ​ជា​ឪពុក​បង្កើត ទើប​លោក​អធិការ​បាន ស្នើសុំ​គោលការណ៍ ពី​លោក​ឧ​ត្ត​ម​សេនីយ៍​ត្រី ម៉ៅ ច័ន្ទ​មធុ​រិ​ទ្ធ ស្នងការ​នគរបាល​ខេត្ត ដើម្បី​ចាត់ការ​បន្ដ​។ បច្ចុប្បន្ន​ជនសង្ស័យ កំពុង​ឃាត់ខ្លួន​នៅ អធិការដ្ឋាន​ប៉ូលិស​ស្រុក​អង្គ​ជ័យ រងចាំ​គោលការណ៍​ពី​ថ្នាក់លើ​៕

adverise with khmeread

មតិយោបល់