A3e0ff1e 8887 4085 a80a b7f22c1768d8

ដេញចាប់បាន​ថ្នាំញៀន​និង​ម៉ូតូ ជនល្មើស​រត់​បាត់​

    កណ្តាល ៖ ជនសង្ស័យ​២​នាក់​ជា​មុខសញ្ញា​រក្សាទុក​នូវ​សារ​ធាតុ​ញៀន​ដោយ​ខុសច្បាប់​បាន​រត់គេចខ្លួន​បាត់​ដោយ​បន្សល់​វត្ថុតាង​នា​ថ្ងៃទី​២៣​ខែឧសភា​ឆ្នាំ​២០១៦ វេលា​ម៉ោង​៩​និង​៣០​នាទី​ព្រឹក​នៅ​ចំណុច​តាម​បណ្តោយ​ផ្លូវជាតិ​លេខ​១​ចំ​ន្លោះ​គីឡូម៉ែត្រ​លេខ​២៤-២៥​ក្នុងភូមិ​ដីឥដ្ឋ​កោះ​ផុស​៣ ឃុំ​ដីឥដ្ឋ ស្រុក​កៀនស្វាយ ខេត្តកណ្តាល។

​    ប៉ូលិស​និយាយថា ជនសង្ស័យ​មាន​គ្នា​២​នាក់​១-​ឈ្មោះ​ វៀង យ៉ាំង​ញ៉​ក ​ភេទ​ប្រុស​ អាយុ​២១​ឆ្នាំ​ ជនជាតិ​វៀតណាម ​មាន​ទីលំនៅ​ក្រុម​វៀតណាម ​ភូមិ​ដីឥដ្ឋ​កោះ​ផុស​២ ឃុំ​ដីឥដ្ឋ ​ស្រុក​កៀនស្វាយ​ ខេត្តកណ្តាល​ មុខរបរ​មិន​ពិតប្រាកដ​(​គេចខ្លួន​) ​និង​២-​មិន​ស្គាល់ឈ្មោះ​(​គេចខ្លួន​)។

    ប្រតិបត្តិការ​នេះ​ប៉ូលិស​ប្រមូល​វត្ថុតាង​រួមមាន​១-​ម៉ូតូ​០១​គ្រឿង​ម៉ាក​ស្មាស់​ព​ណ៌​ខ្មៅ​ពាក់​ផ្លាក់លេខ តាកែវ ​1B.4488​ និង​២-ម៉្សៅ​ក្រាម​ព​ណ៌​ស​ថ្លា​ចំនួន​០១​កញ្ចប់​តូច​(​សង្ស័យ​គ្រឿង​ញៀន​ប្រភេទ​ទឹកកក​)​។

​    ប៉ូលិស​បន្តថា នៅ​ថ្ងៃខែ​ឆ្នាំ​វេលា​ម៉ោង​កើតហេតុ​ខាងលើ​កម្លាំង​ប៉ុស្តិ៍​រដ្ឋបាល​ដីឥដ្ឋ ធ្វើការ​ល្បាត ក្នុងភូមិ​សាស្ត្រ​ក៏​ប្រទះឃើញ​ជនសង្ស័យ​កំពង់​ឈរ​ រេរា​មើល​ឆ្វេង​មើល​ស្តាំ​រួច​ជិះ​ម៉ូតូ​ចេញពីផ្ទះ​កាត់ដេរ​សមលៀក​បំពាក់​មួយកន្លែង​ស្ថិត​ក្នុងភូមិ​ដីឥដ្ឋ​កោះ​ផុស​៣ ដែលមាន​ម្ចាស់ផ្ទះ​ឈ្មោះ​កែវ  ដា​រ៉ា​(​ហៅ​ឃ្លី​)​ភេទ​ប្រុស​អាយុ​ប្រហែល​៣២​ឆ្នាំ​ជនជាតិខ្មែរ​។

​    ឃើញ​ដូច្នេះ​កម្លាំង​ប៉ុស្តិ៍​ក៏មាន​ការសង្ស័យ​ក៏​ជិះ​ម៉ូតូ​ដេញតាម​ពីក្រោយ​គោលបំណង​ហៅ​ឱ្យ​ឈប់​ធ្វើការ​សួរនាំ​ពេល​ដេញ​បាន​ប្រហែល​១០០០​ម៉ែត្រ​ខណៈពេល​កំពង់​ជិះ​ម៉ូតូ​ជនសង្ស័យ​បាន​បោះចោល​ម្សៅ​ក្រាម​ព​ណ៏​ស​មួយកញ្ចប់​ទៅ​ម្ខាង​រួច​ជិះ​កាន់តែ​លឿន​ទៅៗ។

​    ពេលនោះ​កម្លាំង​បាន​ឈប់​ម៉ូតូ​រើស​បាន​ម្សៅ​ក្រាម​ព​ណ៌ស​ថ្លា​០១​កញ្ចប់​តូច​(​សង្ស័យ​ជា​សារធាតុ​ញៀន​)​ដែល​ជនសង្ស័យ​បាន​បោះចោល​ភ្លាមនោះ​កម្លាំង​បាន​ជិះ​ម៉ូតូ​ដេញតាម​ជនសង្ស័យ​ពីក្រោយ​ទៀត​រហូតដល់ ម្តុំ​មាត់ទន្លេ​ភូមិ​ដីឥដ្ឋ​កោះ​ផុស​២ ជនសង្ស័យ​បាន​ផ្តួល​ម៉ូតូ​ទុក​ចោរ​រួច​រត់​ចូលក្នុង​ព្រៃត្រែង​គេចខ្លួនបាត់​។​

    បច្ចុប្បន្ន​ម៉ូតូ​និង​វត្ថុតាង​ត្រូវបាន​យកមក​រក្សាទុក​នៅ​ប៉ុស្តិ៍​និង​ស្រាវជ្រាវ​បន្ត​៕

អ្នកនឹងចូលចិត្ត

មតិយោបល់