adverise with khmeread 1

​ទៅណា​នុ៎ង​? លោក Mourinho វិច​បង្វិច​ចាកចេញ​ពី​ទីក្រុង​ឡុង​ដ៍​ខណៈ​ការងារ​នៅ​ក្លឹប Man Utd កំពុង​នៅ​ទំនេរ​

    ​ហឹប​ដាក់​អីវ៉ាន់​ជាច្រើន​ត្រូវបាន​ប្រទះឃើញ​នៅក្រៅ​ផ្ទះ​របស់លោក Jose Mourinho ក្នុង​ទីក្រុង​ឡុង៍​ភាគ​ខាងកើត​នៅថ្ងៃនេះ​ខណៈ​គាត់​ត្រូវបាន​រំពឹងទុក​ថា នឹង​ផ្ទេរ​ទៅកាន់​ក្លឹប Manchester United នាពេល​ដ៏​ខ្លី​ខាងមុខនេះ​។​

​    ​បន្ទាប់ពី​លោក Louis van Gaal ត្រូវបាន​បណ្តេញ​ចេញពី​ការងារ​ក្រោយ​ជួយ​ក្រុម​លើក​ពាន FA Cup រួចមក ក្រុម​បិសាច​ក្រហម​បានធ្វើការ​យ៉ាង​រហ័សរ​ហួន​ដើម្បី​រក​អ្នក​ជំនួស​តំណែង​គ្រូបង្វឹក​សញ្ជាតិ​ហូ​ឡង់​រូបនេះ​។​

​    ​អតីត​គ្រូបង្វឹក​តោ​ខៀវ Chelsea រូបនេះ​ត្រូវបាន​រំពឹងថា នឹង​ចូលមក​កាន់កាប់​ក្រុម Man Utd ក្នុង​សប្តាហ៍​នេះ​ជាមួយ​ក្លឹប​នឹងធ្វើ​ការប្រកាស​ជា​ផ្លូវការ​នាពេល​ដ៏​ខ្លី​ខាងមុខ​។​

​    ​លោក Mourinho បាន​ដើរ​នៅក្បែរ​ផ្ទះ​របស់គាត់​នៅ​ទីក្រុង​ឡុង​ដ៏​ជាមួយ​អតីត​ជំនួយការ​របស់គាត់​គឺ​លោក Rui Faria ដែល​ត្រូវបាន​រំពឹងទុក​ថា នឹងចូលរួម​ជាមួយ​គាត់​នៅ​ទឹកដី Old Trafford​។​

​    ​គ្រូបង្វឹក​វ័យ ៥៣ ឆ្នាំ​រូបនេះ​បាន​បាត់បង់​ការងារ​តាំងពី​ខែធ្នូ​ឆ្នាំមុន​បន្ទាប់បី​ក្លឹប Chelsea បាន​បណ្តេញ​គាត់ ប៉ុន្តែ​អនាគត​របស់គាត់​នឹង​បន្ត​នៅ​ភាគ​ពាយ័ព្យ​ប្រទេស​អង់គ្លេស​៕

ប្រភព៖ Daily Mail

adverise with khmeread

មតិយោបល់