adverise with khmeread Rtsfjst e1464034018272

អ្នកក្រុងហាណូយភ្ញាក់ផ្អើលពេលឃើញអូបាម៉ាបន្ទាបកាយមកទទួលទានអាហារតាមចិញ្ចើមថ្នល់

​    ​ប្រធានាធិបតី​អាមេរិក បា​រ៉ា​ក់ អូ​បា​ម៉ា បានទទួល​ទានអាហារ​ជាមួយ​ពិធីករ​ទូរទស្សន៍ និង​ជា​ចុងភៅ លោក អ៊ែន​ថូ​នី ប័​រ​ដេ​ន (Anthony Bourdain) ក្នុង​រដ្ឋធានី​វៀតណាម​កាលពី​ថ្ងៃ​ចន្ទ ២៣ ឧសភា​​។ នេះបើតាមប្រភពវេបសាយឆានែលញូវស៍អេស៊ាចេញផ្សាយថ្ងៃអង្គារនេះ។ 

​    ​ការសន្ទនា​របស់​អ្នក​ទាំងពីរ ដែល​កើតឡើង​អំឡុង​ការទទួល​ទាន "​បាញ់ ឆា​" (​សាច់ជ្រូក​អាំង និង​នំ​បញ្ចុក​) នឹងត្រូវ​ចាក់ផ្សាយ​ក្នុង​កម្មវិធី​របស់លោក​ប័​រ​ដេ​ន Parts Unknown នៃ​ប៉ុស្តិ៍ CNN​។ 

​    ​លោក​ប័​រ​ដេ​ន​បាន​និយាយ​តាម Twitter ថា អាហារ​មួយពេល​នេះ​អស់ថ្លៃ​ត្រឹមតែ ៦ ដុល្លារ​ប៉ុណ្ណោះ​។ តារា​ក្នុង​កម្មវិធី No Reservations រូបនេះ​ក៏បាន​ស៊ែ​រលើ Instagram ផងដែរ​ថា "​ជំនាញ​កាន់​ចង្កឹះ​របស់លោក​ប្រធានាធិបតី​គឺជា​ចំណុច​ចាប់អារម្មណ៍​ជាងគេ​"​។ 

​    ​ប្រធានាធិបតី​អូ​បា​ម៉ា​បាន​ជួប​តារា​ទូរទស្សន៍​រូបនេះ​ក្នុងអំឡុង​ការធ្វើដំណើរ​រយៈពេល​បី​ថ្ងៃ​ដែល​ធ្វើឡើង​ក្នុង​គោលបំណង​ពង្រឹង​ភាពជា​ដៃគូ​របស់​អាមេរិក​ជាមួយ​វៀតណាម ចំពេល​ដែលមាន​ការកើនឡើង​ការអះអាង​សិទ្ធិ​កាន់កាប់​របស់​ចិន​ក្នុង​តំបន់​។ 

​    ​កាលពី​ព្រឹក​ថ្ងៃ​ចន្ទ លោក​បានប្រកាស​ការសម្រេច​ចិត្ត​របស់​ប្រទេស​របស់លោក​ថា​នឹង​ដក​បម្រាម​លក់​អាវុធ​ទៅ​វៀតណាម​ទាំងស្រុងផងដែរ​៕

ប្រភព៖ ឆានែលញូវស៍អេស៊ា

adverise with khmeread

មតិយោបល់