1

​តួឯក​សំខាន់​របស់ Real Madrid ធ្វើឱ្យ​ក្រុម​ទាំងមូល​បែកញើស​បន្ទាប់ពី​រងរ​បួស​អំឡុង​ការហ្វឹកហាត់​

​    ​ខ្សែប្រយុទ្ធ​មុត​ស្រួច Cristiano Ronaldo បាន​ដើរ​ចេញពី​ការហ្វឹកហាត់​មុន​ការប្រកួត​វគ្គ​ផ្តាច់ព្រ័ត្រ Champions League បួន​ថ្ងៃ​បន្ទាប់ពី​រងរបួស​អំឡុង​ការហ្វឹកហាត់​។​

​    ​Ronaldo បាន​ប៉ះ​ទ​ង្កិ​ច​គ្នា​ជាមួយ​អ្នកចាំទី​បម្រុង​របស់​ក្លឹប កីឡាករ Kike Casilla និង​បាន​ដួល​ខ្ពោក​ដោយ​គ្មាន​លំនឹង​ខ្លួន​។ នៅពេលដែល​គាត់​មិនអាច​ងើបឈរ​បាន មិត្ត​រួម​ក្រុម​និង​ក្រុមគ្រូពេទ្យ​បាន​ជួយ​លើក​គាត់​និង​បាន​ដើរ​ចេញពី​ទីលាន​ហ្វឹកហាត់​ខណៈ​នៅសល់ ១០ នាទី​មុននឹង​បញ្ចប់​។​

​    ​ប៉ុន្តែ​កីឡាករ​អន្តរជាតិ​ព័រ​ទុយ​ហ្គា​ល់​រូបនេះ​បាន​ប្រាប់ថា "​ខ្ញុំ​ព្រួយបារម្ភ​បន្តិចបន្តួច ប៉ុន្តែ​នៅ​ប៉ុន្មាន​ថ្ងៃ​ទៀត​ខ្ញុំ​នឹង​ជាសះស្បើយ​វិញ​ហើយ​។ ខ្ញុំ​មាន​បញ្ហា​បន្តិចបន្តួច ប៉ុន្តែ​នៅពេលដែល​យើង​ជា​កីឡាករ​ដែល​លេង​ច្រើនជាងគេ រឿងនេះ​បាន​ក្លាយជា​រឿង​ធម្មតា​ទៅហើយ​"​។​

​    ​ការ​ប៉ះ​ទ​ង្កិ​ចនេះ​ហាក់​មិន​ធ្ងន់ធ្ងរ​នោះទេ ប៉ុន្តែ​នៅពេលដែល Ronaldo ដើរ​ចេញពី​ទីលាន គាត់​បាន​គប់​ដប់​ទឹក​និង​មើលទៅ​មិន​រីករាយ​ទាល់តែសោះ​ខណៈ​គាត់​ចូល​បន្ទប់​ផ្លាស់​សម្លៀកបំពាក់​។​

​    ​ហេតុការណ៍​នេះ​បាន​កើតឡើង​អំឡុង​ការហ្វឹកហាត់​ម្ខាង ១០ នាក់​នៅក្នុង​ទីលាន​ខ្នាតតូច​។​

​    ​ប្រភពពី​ក្លឹប​អធិរាជ​ស​បានឱ្យដឹងថា បញ្ហា​របួស​លើក​នេះ​គឺ​កើតឡើង​នៅ​ភ្លៅ​ខាងឆ្វេង​របស់គាត់​ហើយ​ខណៈ​របួស​នេះ​មិនបាន​បញ្ជាក់ថា​ធ្ងន់ធ្ងរ ការត្រៀមខ្លួន​របស់គាត់​សម្រាប់​ការប្រកួត​ផ្តាច់ព្រ័ត្រ CL នឹង​ញាំញី​ដោយ​ឧបសគ្គ​ជាច្រើន​ជាក់​ជាមិនខាន​៕

ប្រភព៖ Daily Mail

មតិយោបល់