adverise with khmeread 1

​ជូរចត់​អ្វី​ម្ល៉េះ​! តា​យ​មីង​ស៊ឺ​ក្អួត​ឈាម​ដែល​សារភាព​ស្នេហ៍​ចំពោះ​ព្រះ​នាង​ចៀ​វៃ​យឺត​ជាង Wallace Huo

​    ​ទស្សនា​វ​ដ្តី​ក្រុង​តៃប៉ិ Next Magazine បានធ្វើ​ការទម្លាយ​ហេតុការណ៍​ដ៏​គួរឱ្យ​ចាប់អារម្មណ៍​នៅក្នុង​រឿងរ៉ាវ​នៃ​ការសារភាព​ស្នេហ៍​របស់​តារា​សម្តែង Wallace Huo ទៅកាន់ ចៀ​វៃ ឬ Ruby Lin បន្ទាប់ពី​គូប្រជែង​ដ៏​ស្វិតស្វាញ​របស់គាត់​គឺ តា​យ​មីង​ស៊ឺ (Jerry Yan) បាន​ចាក​ចេញពី​កម្មវិធី​គម្រប់​វ័យ ៤០​ឆ្នាំ​របស់​នាង​តែមួយ​សន្ទុះ​មក​នោះ​។​

​    ​មិត្តភាព​ដ៏​យូរលង់​របស់ Huo ដែល​បច្ចុប្បន្ន​មាន​វ័យ ៣៦ និង Lin បាន​វាយលុក​ទំព័រមុខ​នៃ​បណ្តា​កាសែត​នានា​កាលពី​សប្តាហ៍​មុន ពេលដែល​ពួកគេ​បានប្រកាសថា​ពួកគេ​នឹង​គម្រោង​រៀប​អាពាហ៍ពិពាហ៍​។​

​    ​Next Magazine ត្រូវបាន​គេ​ផ្តល់​កិត្តិយស​ដើម្បី​ចូលរួម​នៅក្នុង​កម្មវិធី​ដ៏​ពិសេស​របស់ Lin កាលពី​ខែមករា គឺ​នា​ពេលដែល Huo បានបញ្ចប់​បញ្ហា​ដ៏​ស្មុ​គ្រ​ស្មាញ​របស់គាត់​។​

​    ​ដោយ​លើកឡើង​ពី​ប្រភព​មិន​បញ្ចេញ​ឈ្មោះ​មួយ​បាន​បញ្ជាក់ថា នៅ​យប់​មួយ​នោះ Lin បាន​អញ្ជើញ Jerry Yan ពិធីករ​ទូរទស្សន៍ Pauline Lan និង​តារា​សម្តែង​ស្រី Chen Meifen ដែលជា​តារា​សម្តែង​រួមគ្នា​ក្នុង​ខ្សែភាពយន្ត The Way We Were ជាមួយ​នាង​ក្នុង​ឆ្នាំ ២០១៤ រួម​នឹង Tiffany Hsu និង Melvin Sia​។​

​    ​Chen បាន​ព្យាយាម​តាំងខ្លួន​ជា​មេអណ្តើក​ដើម្បី​បញ្ចុះបញ្ចូល​ឱ្យ Lin ទទួលយក Yan កាលពី​ចុង​ឆ្នាំមុន​។ នៅឯ​ក្នុង​កម្មវិធី​នោះ Yan បាន​បង្ក​ភាព​ភ្ញាក់ផ្អើល​ទៅកាន់ Lin ជាមួយនឹង​ការបង្ហាញ​ខ្លួន​ក្នុង​រយៈពេល​មួយ​ដ៏​ខ្លី ប៉ុន្តែ​គាត់​បាន​ស្ថិតនៅក្នុង​ស្ថានភាព​ស្ងប់ស្ងាត់​មួយ និង​បាន​ចាកចេញ​តាំងពីដើម​កម្មវិធី​។​

​    ​បន្ទាប់មក Huo ក៏បាន​ធ្វើដំណើរ​មកដល់ ដែល​គាត់​បាន​ចាក​ចេញពី​ណាន​ជី​ង មកកាន់​ទីក្រុង​តៃប៉ិ សម្រាប់​កម្មវិធី​ដ៏​ពិសេស​មួយ​នេះ និង​បាន​ត្រៀម​ខ្សែដៃ​មួយ​ខ្សែ​សម្រាប់ Lin ។​

​    ​មិត្ត​ជាច្រើន​បានឱ្យ​គាត់​ទទួលទាន​គ្រឿង​ស្រវឹង​ជាច្រើន ដោយ​រំពឹងថា​គាត់​នឹង​ស្រវឹង ប៉ុន្តែ​គាត់​ផឹក​វា​បាន​ដោយ​គ្មាន​បញ្ហា​អ្វី​នោះឡើយ​។ Lin ក៏បាន​ចូលរួម​ជាមួយ​គាត់​ដែល​បាន​ជំរុញ​ឱ្យ​គាត់​ផឹកស្រា​កាន់តែ​ច្រើនឡើង​បន្ថែមទៀត​។​

​    ​អណ្តាត​របស់គាត់​ហាក់ដូចជា​ចាប់ផ្តើម​ទន់ជ្រាយ​ដោយ​ការទទួល​ទាន​គ្រឿង​ស្រវឹង Huo ក៏បាន​សារភាព​ទៅកាន់ Lin ខណៈដែល​អ្នក​ដទៃទៀត​បានផ្តល់​ឱកាស​ឱ្យ​ពួកគេ​នៅតែ​ពីរ​នាក់​។​

​    ​ក្រោយមក ភ្ញៀវ​កិ​ត្ត​យស​ម្នា​ក់បាន​ព្រលយ​ពាក្យ​បែប​កំប្លែង ដោយ​និយាយថា​អ្នក​ទាំងពីរ​គួរតែ​ថើប​តាម​ស្ទីល​បារាំង​មួយ​ទៅ​។ Lin ក៏បាន​ឱ្យ​កន្ទុយភ្នែក​របស់​នាង​ជា​សញ្ញា​យល់ព្រម​ផងដែរ​។​

​    ​នៅក្នុង​បទសម្ភាសន៍​កាលពី​ឆ្នាំមុន នាង​ឆ្ងល់​ថា​ហេតុអ្វី​បានជា​បុរស​រូបនេះ​មិនមាន​សេចក្តីក្លាហាន​ក្នុងការ​បង្ហាញ​សេចក្ដីស្រឡាញ់​។ Lin បាន​និយាយថា "​គ្មាន​បញ្ហា​អ្វី​នោះឡើយ​ជាមួយនឹង​ភាពជោគជ័យ​ក្នុង​អាជីព​របស់ខ្ញុំ ខ្ញុំ​នៅតែ​ចង់បាន​ការថែទាំ​មួយផ្នែក​ទៀត​របស់​អ្នកដទៃ​។ នៅក្នុង​ពិភព​នៃ​ក្ដី​ស្រឡាញ់ ខ្ញុំ​គ្រាន់តែ​ចង់​ធ្វើជា​មនុស្ស​ល្ងង់​ម្នាក់​តែប៉ុណ្ណោះ​"​។​

​    ​នៅ​ទីបំផុត បច្ចុប្បន្ន​ទំនាក់ទំនង​របស់ Huo និង Lin ត្រូវបាន​គេ​ដឹង​ឮជា​សាធារណៈ ខណៈដែល​ពួកគេ​ក៏បាន​ប្រកាស​អំពី​គ​ម្រោ​រៀប​អាពាហ៍ពិពាហ៍​របស់​ពួកគេ​នៅ​ឆ្នាំនេះ​ក្រោយ ដោយ​ធ្វើឱ្យ​តា​យ​មី​ស៊ឺ​ចុកចាប់​រក​អ្វី​ថ្លែង​មិន​ចេញ​៕

adverise with khmeread
ប្រភព៖ Straitstimes

មតិយោបល់