adverise with khmeread 0

Volkswagen និង BMW ងាក​ពី​ប្រទេសជិតខាង​ដើម្បី​បើក​ការិយាល័យ ៧០០ កន្លែង​ក្នុងប្រទេស​ថៃ​

​    ​ក្រុមហ៊ុន​ផលិត​រថយន្ត​របស់​អា​ល្លឺ​ម៉​ង់​ចំនួន​ពីរ​គឺ Volkswagen និង BMW នឹង​ទិញ​ការិយាល័យ​នៅ​ប្រទេស​ថៃ​ដើម្បី​ផលិត​គ្រឿងបន្លាស់​រថយន្ត​ដើម្បី​ផ្គត់ផ្គង់​ជុំវិញ​ពិភពលោក​។​

​    ​បើ​យោងតាម​លោក Noshir Desai ប្រធាន​គ្រប់គ្រង​ទូទៅ​ផ្នែក​ផ្គត់ផ្គង់​នៅ​គ្រប់​ហ៊ុន Volkswagen Group ប្រចាំ​តំបន់​អាស៊ីអាគ្នេយ៍​បានឱ្យដឹងថា ក្រុមហ៊ុន​បានសម្រេច​ចិត្ត​ផ្លាស់ប្តូរ​ការទិញ​ការិយាល័យ​របស់​ពួកគេ​ពី​ទីក្រុង​គូ​ឡា​ឡាំ​ពួរ​ទៅ​ខេត្ត Samut Prakan របស់​ថៃ​។​

​    ​លោក Desai បាន​និយាយថា ក្រុមហ៊ុន​ជាង ៧០០ នៅ​ប្រទេស​ថៃ​នឹងធ្វើ​ការផ្គត់ផ្គង់​គ្រឿងបន្លាស់​ឱ្យ​ក្រុមហ៊ុន Volkswagen បើ​ប្រៀបធៀប​ទៅ​ប្រទេស​ម៉ា​លេ​ស៊ី​មានតែ ២០០ ក្រុមហ៊ុន​ប៉ុណ្ណោះ​។​

​    ​Volkswagen បាន​ដឹកជញ្ជូន​គ្រឿងបន្លាស់​ពី​អាស៊ីអាគ្នេយ៍​ទៅ​រោងចក្រ​ធំ​នៅក្នុង​តម្លៃ ១៣៦ លាន​យ៉ូ​រ៉ូ (៥,៤ ពាន់​លាន​បាត​) កាលពី​ឆ្នាំមុន គឺ​កើនឡើង ២១%​។ ពាក់កណ្តាល​នៃ​គ្រឿងបន្លាស់​ទាំងនោះ​គឺ​បានមកពី​ប្រទេស​ថៃ​។​

​    ​នាពេល​បច្ចុប្បន្ន ក្រុមហ៊ុន Volkswagen មាន​ក្រុមហ៊ុន​ផ្គត់ផ្គង់​គ្រឿងបន្លាស់​នៅ​ប្រទេស​ចំនួន​បួន​នៅ​អាស៊ីអាគ្នេយ៍​គឺ ប្រទេស​ថៃ ម៉ាឡេស៊ី ឥណ្ឌូនេស៊ី និង​ហ្វីលីពីន ខណៈ​ក្រុមហ៊ុន​ទាំង ៧០០ នោះ​ក៏​ផ្គត់ផ្គង់​ឱ្យ​ក្រុមហ៊ុន Volkswagen, Audi និង MAN របស់​អាល្លឺម៉ង ក្រុមហ៊ុន Ducati របស់​អ៊ីតាលី​និង Scania របស់​ស៊ុយអែត​៕

ប្រភព​៖ បាងកក​ប៉ុស្តិ៍

adverise with khmeread

អ្នកនឹងចូលចិត្ត

មតិយោបល់