adverise with khmeread 8272244b a40b 44cc 99ba 02d2472c686a

ម៉ូតូ​បុក​ជាមួយ​ត្រាក់ទ័រ ស្លាប់ ២​ នាក់​នៅ​ខេ​ត​ត​ពោធិ៍សាត់​

    ពោធិ៍សាត់ ៖ បុរស ២​នាក់ស្លាប់ ​(ម្នាក់ស្លាបភ្លាមៗនៅកន្លែងកើតហេតុ និង ម្នាក់ទៀត​ស្លាប់​ពេល​បញ្ជូនទៅ​សង្គ្រោះ​នៅ​មន្ទីរពេទ្យបង្អែក​បាកាន​) ក្នុង​ហេតុការណ៍​គ្រោះថ្នាក់​ចរាចរណ៍​មួយ ដែល​បាន​កើតឡើង​កាលពី​វេលា​ម៉ោង៨ និង២៥​នាទី​យប់ ថ្ងៃទី២៧ ខែឧសភា ឆ្នាំ២០១៦ នៅលើ​ផ្លូវ​កៅស៊ូ ខាងជើង​ស្ពាន​ប្រឡាយ​គោក​រំលង ស្ថិតក្នុង​ភូមិ​ស្តុក​ខ្លា ឃុំ​រំលេច ស្រុក​បាកាន ខេត្តពោធិ៍សាត់។​

    ប៉ូលិស​ស្រុក​បាកាន បានឱ្យ​ថា ករណីនេះ​បានកើត​ឡើង រវាង​ម៉ូតូ​ Honda  Dream ស៊េរី ២០១៦ ពណ៌​ខ្មៅ ពាក់​ស្លាក​លេខ ពោធិ៍សាត់ 1E-6740 បើកបរ​ដោយ​ឈ្មោះ បូរ សុផាត ភេទ​ប្រុស អាយុ ៣២​ឆ្នាំ មុខរបរ​អង្គការ​ប្រា​សាក់​នៅ​តា​លោ​រស់នៅ​ភូមិ​អន្លុង​មាន ឃុំ​ស្នាម​ព្រះ ស្រុក​បាកាន ខេត្តពោធិ៍សាត់ ស្លាប់​នៅនឹងកន្លែង​កើតហេតុ រួម​ដំណើរ​ដោយ​ឈ្មោះ អ៊ុង សុភា​រ៉ា ភេទ​ប្រុស អាយុ២៨​ឆ្នាំ រស់នៅ​ភូមិ​ឆ្នាល់​ចាន់ ឃុំ​តា​លោ ស្រុក​បាកាន ខេត្តពោធិ៍សាត់ ស្លាប់​ពេល​បញ្ជូនមក​សង្គ្រោះ​នៅ​មន្ទីរពេទ្យបង្អែក​បាកាន បាន​បុក​ជាមួយ​ត្រាក់ទ័រ បើកបរ​ដោយ​បុរស​មិន​ស្គាល់​អត្តសញ្ញាណ។​

    ប៉ូលិស​បន្តថា បើតាម​ប្រជាពលរដ្ឋ​នៅ​មូលដ្ឋាន​ដំបូង​គេ​ឮ​សំលេង​ត្រាក់ទ័រ តែ​មិនដឹង​មកពី​ទិស​ណា​ទេ ភ្លាមនោះ​ក៏​ឭ​សំឡេង​ផាំង​ដូច​រន្ទះ បង្ក​ឲ្យ​មានការ​ភ្ញាក់ផ្អើល​នាំគ្នា​ចេញមក​មើល ក៏​ឃើញ​បុរស​ម្នាក់​ស្លាប់​នៅនឹងកន្លែង​កើតហេតុ និង បុរស​ម្នាក់ទៀត​របួស​ធ្ងន់ ពេល​បញ្ជូនមក​សង្គ្រោះ​នៅ​មន្ទីរពេទ្យបង្អែក​បាកាន​ដាច់ខ្យល់​ស្លាប់។​

    បច្ចុប្បន្ន​វត្ថុតាង​ម៉ូតូ​ជនរងគ្រោះ ត្រូវបាន​សមត្ថកិច្ច យកទៅ​រក្សាទុក​នៅ​អធិការ​ស្រុក ដើម្បី​ដោះស្រាយ​តាម​នីតិវិធី នៅពេល​ក្រោយ។ ដោយឡែក​សាកសព​ជនរងគ្រោះ ត្រូវបាន​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី តាម​ផ្ទះ​រៀងៗ​ខ្លួន៕

 

adverise with khmeread

អ្នកនឹងចូលចិត្ត

មតិយោបល់