adverise with khmeread 2015032510050793209

Rain នឹងបង្ហាញមុខជាថ្មីតាមរយៈភាពយន្តភាគ “Come Back, Uncle”

          តារាចម្រៀងនិងតារាភាពយន្តកូរ៉េ Rain នឹងបង្ហាញមុខ​ជាថ្មីក្នុងភាព​យន្ត​ភាគ​​របស់​ទូរទស្សន៍ SBS នៅខែ​កុម្ភៈ​ឆ្នាំ​២០១៦។

          ភាព​យន្តភាគនេះ មានចំណងជើងថា “Come Back, Uncle” ជា​ចំណង​ជើងបណ្តោះអាសន្ន ហើយភាព​យន្តនេះ​នឹងចាក់ផ្សាយនៅថ្ងៃពុធ​និងថ្ងៃព្រហ​ស្បតិ៍​។ វាមាន​រយៈ​ពេល​មួយ​ឆ្នាំ និងបីខែ​ ចាប់តាំងពីតារាភាព​យន្តរូបនេះ​បាន​សម្តែង​ក្នុង​ភាព​យន្ត​ភាគចុងក្រោយ​របស់លោកគឺរឿង “She`s So Loveable” ។​

          រឿង “Come Back, Uncle” គឺផ្អែក​លើ​សៀវភៅ​ប្រលោម​លោក​ជប៉ុន​ដែល​មាន​ចំណងជើងថា “Tsubakiyama Kacho no Nanoka-kan” ដែលបកប្រែថា “ប្រាំពីរថ្ងៃរបស់លោកនាយក សឺបាគីយ៉ាម៉ា” ។ វាជា​ភាព​យន្តបែប​កំប្លែង​ដែល​ចង់​បកស្រាយ​សំណួរដែលថា “តើអ្នក​នឹងធ្វើអ្វីប្រសិនបើអាចរស់ពីការស្លាប់​បាន​មួយ​ភ្លែតទៀត​នោះ​?”។

            Rain សម្តែង​ជា​តួអង្គ​នាយក​រូបសង្ហាឈ្មោះ Lee Hae Joon ជា​បុរសវ័យកណ្តាល​ដែល​បាន​ស្លាប់ ប៉ុន្តែ​ត្រូវបានផ្តល់ឱកាស​ឲ្យ​រស់​ម្តងទៀត។ ភាពយន្តភាគនេះ នឹងបង្ហាញពីអត្ថន័យនៃស្នេហាពិត​និង​សារៈសំខាន់​របស់​ជីវិត​៕

adverise with khmeread

មតិយោបល់