1

ទឹក​ស្ពៃក្តោប​ជួយ​ព្យាបាល​ជំងឺ​ទឹកនោមផ្អែម​!

    ​ទឹក​ស្ពៃក្តោប​សម្បូរ​ទៅដោយ​ជាតិ​សរសៃ​ហ្វា​យ​បឺ ដែល​ជួយ​ក្នុងការ​ទប់ស្កាត់​ជំងឺ​ទឹកនោមផ្អែម ព្រោះ​វា​ជួយ​ទប់ស្កាត់​ការ​ស្រូប​យកជាតិ​ស្ករ​ចូលក្នុង​រាងកាយ​។ 

​    ​ទឹក​ស្ពៃក្តោប​ពិត​ជាមាន​ប្រសិទ្ធភាព​ក្នុងការ​ព្យាបាល​ជំងឺ​ទឹកនោមផ្អែម ព្រោះ​វា​ជួយ​ឱ្យ​កោសិកា​លំពែង​រស់​ឡើងវិញ ហើយ​វា​មាន​ប្រសិទ្ធភាព​ជាង​ញាំ​ស្ពៃក្តោប​ទៅទៀត ព្រោះ​ជាតិ​សែលុយឡូស​ក្នុង​ស្ពៃក្តោប​អាចធ្វើឱ្យ​ឈឺពោះ​។ 

​    ​ទឹក​ស្ពៃក្តោប​សម្បូរ​ប្រូតេអ៊ីន វីតាមីន C, B1, B2, B6, PP, K, U ប៉ូ​តា​ស្យ៉ូ​ម និង​ម៉ាញ៉េ​ស្យ៉ូ​ម​។ 

​    ​អ្នកវិទ្យាសាស្ត្រ​ជឿថា ទឹក​ស្ពៃក្តោប​មានគុណ​សម្បត្តិ​ប្រឆាំង​អុកស៊ីតកម្ម និង​ប្រឆាំង Hypoglycemia (​ការខ្វះ​ជាតិ​ស្ករ​ខុស​ប្រក្រតី​ក្នុង​ឈាម​) ដែល​ជួយ​ក្នុងការ​ព្យាបាល​ជំងឺ​ទឹកនោមផ្អែម​។ 

​    ​យោងតាម​លទ្ធផល​ស្ទាបស្ទង់​ក្នុង​ឆ្នាំ ២០០៨ គេ​បាន​រកឃើញថា ទឹក​ស្ពៃក្តោប​អាចជួយ​បន្ថយ​ជាតិ​គ្លុយកូស​ក្នុង​ឈាម និង​អាចជួយ​សម្រក​ទម្ងន់​បាន​ទៀតផង​។ 

​    ​* គ្រឿងផ្សំ​
​    ​- ស្ពៃ​ក្តោ​មហា​ន់ ៣ កែវ (៧០០ ក្រាម​) 
​    ​- ទឹកបរិសុទ្ធ ៤០០ មិ​ល្លី​លីត្រ​

​    ​* របៀប​ធ្វើ​
​    ​ដាក់​ស្ពៃក្តោប​និង​ទឹក​កិន​ក្នុង​ម៉ាស៊ីន​ក្រឡុក​ជាការ​ស្រេច​។​
​    ​
​    ​ផឹកទឹក​នេះ​ទាន់​នៅ​ស្រស់ៗ​។ ហាម​ទុក​ទឹក​ស្ពៃក្តោប​ក្នុង​ទូទឹកកក​ច្រើនជាង ៥ ម៉ោង​។ ផឹកទឹក​ស្ពៃក្តោប​មួយ​កែវ មុន​អាហារ​ទាំងបី​ពេល​ក្នុង​មួយថ្ងៃ​៕

​ប្រភព​៖ newremedies

អ្នកនឹងចូលចិត្ត

មតិយោបល់