adverise with khmeread 0d6a893c 5f19 4b00 a06e b8b787519e51

រថយន្ត​ឡិច​ស៊ី​ស​បើក​បុក​រថយន្ត​កាមរី​ឆ្លាម​ដាច់​កង់​ទៅមុខ​លែងរួច​

    ភ្នំពេញ ៖ បុរស​ជនជាតិ​ចិន​ម្នាក់​រួមទាំង​នារីៗ២នាក់​ទៀត​រួម​ដំណើរ​ជាមួយ​បាន​បើករថយន្ត​ឡិច​ស៊ី​ស​មួយ​គ្រឿងក្នុង​ល្បឿន​លឿន​ជ្រុល​បុក​រថយន្ត​កាមរី​ឆ្លាម​បណ្តាល​ឱ្យដាច់​កង់​ម្ខាង​ទៅមុខ​លែងរួច​។​

    ហេតុការណ៍​នេះ​បាន​កើតឡើង​កាលពី​វេលា​ម៉ោង​៩​យប់​ថ្ងៃទី​៣១​ ខែឧសភា ​ឆ្នាំ​២០១៦ នៅតាម​បណ្តោយ​ផ្លូវ​២០០៤ ស្ថិតក្នុង​សង្កាត់​កា​កាប ខណ្ឌ​ពោធិ៍​សែន​ជ័យ​។​

    តាម​សាក្សី​នៅ​កន្លែងកើតហេតុ​បានឱ្យដឹងថា នៅ​មុនពេល​កើតហេតុ​គេ​បានឃើញ​រថយន្ត​ម៉ាក​កាមរី​ឆ្លាម ពណ៌ទឹកប្រាក់​ពាក់​ស្លាក​លេខ​ភ្នំពេញ​ 2J -1339 ធ្វើដំណើរ​តាម​បណ្តោយ​ផ្លូវ​២០០៤​ក្នុងទិសដៅ​ពី​លិចទៅ​កើត​។​

    ខណៈ​មកដល់​ចំណុចកើតហេតុ​ស្រាប់​តែមាន​រថយន្ត​ម៉ាក​ឡិច​ស៊ី​ស RX 300 ព​ណ៌ស ពាក់​លេខ​ភ្នំពេញ ​2AJ-0994 បើកបរ​ដោយ​បុរស​ជនជាតិ​ចិន​ម្នាក់ ​និង​នារី​២​នាក់​ទៀត​រួម​ដំណើរ​ជាមួយ​ធ្វើដំណើរ​បញ្ច្រាស់​ទិសដៅ​គ្នា​ក្នុង​ល្បឿន​លឿន​ហើយ​បាន​បុក​ចំ​ពីមុខ​ពេញទំហឹង​បណ្តាលឱ្យ​រថយន្ត​ឡិច​ស៊ី​ស​ដាច់​កង់​ខាងឆ្វេង​។ ចំណែក​រថយន្ត​កាមរី​ឆ្លាម​រង​ការខូចខាត​យ៉ាងដំណំ។​

    ក្រោយពេល​កើតហេតុ​បុរស​ជនជាតិ​ចិន​បាន​ចុះ​ពី​រថយន្ត​គេចខ្លួនបាត់​ដោយ​បន្សល់ទុក​នារី​២​នាក់​នៅ​កន្លែងកើតហេតុ។ បន្ទាប់មក​សមត្ថ​កិច្ច​បាន​ចុះ​មកដល់​ចំណុចកើតហេតុ​ធ្វើការ​វាស់វែង​យក​រថយន្ត​ទាំង​២​គ្រឿង​ទៅ​រក្សាទុក​នៅ​អធិការដ្ឋាន​នគរបាល​ខណ្ឌ​ពោធិ៍​សែន​ជ័យ​រងចាំ​ដោះស្រាយ​តាមច្បាប់​។​​​ យ៉ាងណាក៏ដោយ​ប៉ូលិស​នៅ​មិនទាន់​ស្គាល់​អត្តសញ្ញាណ​ពួកគេ​នៅឡើយ៕

adverise with khmeread

អ្នកនឹងចូលចិត្ត

មតិយោបល់