1

​គ្រូបង្វឹក​អង់គ្លេស​នៅតែ​អួតថា ក្រុម​ខ្លួន​រឹតតែ​គ្រោះថ្នាក់​បើទោះជា​ស៊ី​ក្រុម ១០ នាក់​របស់​ព័រ​ទុយ​ហ្គា​ល់​តែ ១-០

​    ​លោក Roy Hodgson នៅតែ​រក្សា​ភាពរលូន​របស់ខ្លួន​ប​ន្ទា​ប់​ពី​ក្រុម​ជម្រើសជាតិ​អង់គ្លេស​បាន​យកឈ្នះ​ព័រ​ទុយ​ហ្គា​ល់ ១-០​។​

​    ​ក្រុម​តោ​កំណាច​មួយ​នេះ​បានបញ្ចប់​ការត្រៀមខ្លួន​សម្រាប់​ព្រឹត្តិការណ​យូរ៉ូ ២០១៦ នៅ​ទឹកដី Wembley ជាមួយ​ជ័យជម្នះ​លើក​ទី​បី​ជាប់​គ្នា ដោយសារ​គ្រាប់​បាល់​ចុង​ម៉ោង​របស់​កីឡាករ Chris Smalling ក្នុងជំនួប​ជាមួយ​ក្រុម​ជម្រើសជាតិ​ព័រ​ទុយ​ហ្គា​ល់​ដែល​គ្មាន​ខ្សែប្រយុទ្ធ​ឆ្នើម Ronaldo និង​បាត់បង់​កីឡាករ​ម្នាក់​តាំងពី​តង់​ទីមួយ​។​

​    ​ប៉ុន្តែ​លោក Hodgson បាន​និយាយថា "​ជារឿយៗ​វា​ជាការ​លំបាក​មួយ​នៅពេលដែល​អ្នកលេង​ជាមួយ​ក្រុម​មាន ១០ នាក់ ជាពិសេស​នៅពេល​ក្រុម​នោះ​រៀបចំ​ប្រព័ន្ធ​ការពារ​ល្អ​"​។ គាត់​បន្ថែមថា "​ប៉ុន្តែ​ខ្ញុំ​រីករាយ​ដែល​យើង​អាច​រក្សា​ការតាំង​ចិត្តបាន ហើយ​យើង​បានបង្ហាញ​ភាព​អត់ធ្មត់​និង​បាន​រក្សា​លទ្ធផល Clean Sheet ពិសេស​ការប្រកួត​កាន់តែ​យូ​យើង​លេង​កាន់តែ​គ្រោះថ្នាក់​និង​មើលទៅ​ដូចជា​រក​គ្រាប់​បាល់​បាន​អ៊ីចឹង​"៕

 

ប្រភព៖ talkSPORT

មតិយោបល់