adverise with khmeread E3d9a719 50b1 4492 86d6 070dd70448f6

ខែឧសភា​អាវុធហត្ថ​បង្ក្រាប​គ្រឿងញៀន​១៩​លើក​ឃាត់​ជនសង្ស័យ​៦៦​នាក់​

    ភ្នំពេញ ៖ ខែឧសភា​គិត​ថ្ងៃទី​៣​ដល់​២​មិថុនា ​ឆ្នាំ​២០១៦​កន្លងទៅនេះ កងរាជអាវុធហត្ថ​រាជធានី​ភ្នំពេញ បាន​បង្ក្រាប​ករណី​គ្រឿង​ញៀ​បាន​២​ករណី ស្មើនឹង​ ១៩ ​លើក​ឃាត់​មនុស្ស​ ៦៦​ នាក់​(​ស្រី ​៩ ​នាក់​)​ដកហូត​ថ្នាំញៀន​ ៣៥១ ​កញ្ចប់​តូច​និង​ម្សៅស​​ ៥៤,៦៥​ ក្រាម។​

    មន្ត្រី​អាវុធហត្ថ​រាជធានី​បានបញ្ជាក់​ឱ្យដឹង​នៅ​ព្រឹក​ថ្ងៃទី​៣​ឧសភា​ថា ការបង្ក្រាប​ខាងលើនេះ​បែង​ចែកជា​៣​ផ្នែក​គឺ​១-​ពាក់ព័ន្ធ​ករណី​ជួញដូរ​គ្រឿងញៀន ​១១ ​លើក​ឃាត់ខ្លួន​ ២២ ​នាក់​(​ស្រី​ ​៤ ​នាក់​)២-​សម្រួល​ឱ្យប្រើ​ប្រាស់​គ្រឿងញៀន​ ១​ ​លើក​ឃាត់ខ្លួន​បាន​ម្នាក់​(​ប្រុស​)​និង​
៣-​ពាក់ព័ន្ធ​ករណី​ប្រើប្រាស់​គ្រឿងញៀន ​៨​ លើក​ឃាត់​មនុស្ស​ ៤៣​ នាក់​(​ស្រី ​៥ ​នាក់​)​។​

    របាយការណ៍​បញ្ជាក់ថា ក្នុង​កិច្ចប្រតិបត្តិការ​ខាងលើនេះ​អាវុធហត្ថ​ដកហូត​បាន​ថ្នាំញៀន​ប្រ​ទឹកកក​៣៥១​កញ្ចប់​និង​៥៤​ក្រាម​,​ជញ្ជីង​ថ្លឹង​គ្រឿងញៀន​ចំនួន​៥,​លុយ​ខ្មែរ ១៩៧.៥០០​ រៀល​,​ លុយ​អាមេរិក ​១៩ ​ដុល្លារ​, ​ទូរស័ព្ទ​២៤​គ្រឿង​, ម៉ូតូ​ ៩ ​គ្រឿង​,​ ដាវ​សា​ម៉ូ​រ៉ៃ​២, ​កាំបិត១, ​កាបូប៤, ​ថង់​ប្លា​ស្ទីក​និង​សម្ភារ​:​ប្រើប្រាស់​មួយចំនួន។​

    ក្នុងនោះ កសាង​សំណុំរឿង​បញ្ជូនទៅ​តុលាការ​ ៦៤ ​នាក់​ (​ស្រី ​៩ ​នាក់​) ​បញ្ជូនទៅ​កន្លែង​ហ្វិ​ក​ហ្វឺ​ន​ម្នាក់​និង​បញ្ជូនទៅ​អាវុធហត្ថ​ខេត្តកណ្ដាល​ម្នាក់​ប្រុស​។ ​អាវុធហត្ថ​រាជធានី​ម្ចាស់ការ​បង្ក្រាប​ ២​ ករណី​ស្មើ ​៦ ​លើក​ឃាត់ខ្លួន ​៤៧ ​នាក់៕​

adverise with khmeread

អ្នកនឹងចូលចិត្ត

មតិយោបល់