adverise with khmeread 5744c42c 6cee 4c05 9596 a63f2134d6e2

ចោរ​ដាច់ដាប​!​ គាស់​ផ្ទះ​លួច​ម៉ូតូមិនអស់ចិត្ត លួច​ទាំង​ប៊ី​យ៉ែ​រ​ថែមទៀត​

    ភ្នំពេញ ៖ ពួកចោរ​ដាច់ដាប​បានគាស់​សោ​ផ្ទះ​ចូល​លួច​យក​ម៉ូតូ​ហុងដា គុប​ជ្រុង មួយគ្រឿង​និង​ស្រា​បៀរ​ចំនួន​៤​កេសទៅ​បាត់ បន្ទាប់ពី​ម្ចាស់ ចាក់សោ​ផ្ទះ​ចោល​រវល់​តែ​ទៅ​ស្រុក​ត្រឡប់មកវិញ​ទើប​ដឹងថា​បាត់ រួច​ទៅប្តឹង​ប៉ូលិស​ប៉ុស្តិ៍​ចោមចៅ កាលពី​វេលា​ម៉ោង​១១​ព្រឹក​​ ថ្ងៃទី​០៣ ខែមិថុនា ឆ្នាំ​២០១៦ ស្ថិតនៅ​ផ្ទះជួល បុរី​សន្តិភាព​២ ភូមិ​តំណាក់​ត្រ​យឹ​ង សង្កាត់​ចោមចៅ ខណ្ឌ​ពោធិ៍​សែន​ជ័យ។​

    ប៉ូលិស​និយាយថា ជនរងគ្រោះ ជាដើម​បណ្តឹង មានឈ្មោះ ប៉ែន ច​ន្ធូ ភេទ​ស្រី អាយុ​៣២​ឆ្នាំ មុខរបរ លក់​ភេសជ្ជៈ នៅផ្ទះ​កើតហេតុ​ខាងលើ មាន​ស្រុកកំណើត នៅ​ភូមិ​កា​ប៉ាស់ ឃុំ​ឈើ​តុង ស្រុក​ក្រគរ ខេត្តពោធិ៍សាត់។​

    ចំណែក សម្ភារៈ​បាត់បង់ ត្រូវបាន​ជនរងគ្រោះ អះអាងថា​បាត់ ម៉ូតូ​មួយគ្រឿង​ម៉ាក ហុងដា គុប​ជ្រុង សេ​៥០ ពណ៌​ទឹកប្រាក់ ពាក់​ស្លាក​លេខ ភ្នំពេញ 1CU-1763 និង​ស្រា​បៀរ​ចំនួន​៤​កេសទៀត។​

    ស្ត្រី​រងគ្រោះ បានឱ្យដឹងថា កាលពី​វេលា​ម៉ោង​១២ ថ្ងៃត្រង់​ទី​០១ ខែមិថុនា ឆ្នាំ​២០១៦ គាត់​និង​ក្រុមគ្រួសារ បាន​ចាក់សោ​ផ្ទះ​ចោល ដោយ​ទុកដាក់ សម្ភារៈ​នៅក្នុង​ផ្ទះ ហើយ​ចាក​ចេញទៅ​ស្រុកកំណើត​។​

    លុះ ពេល​វិល​មកវិញ​នៅ​ល្ងាច​ថ្ងៃទី​០២ ខែមិថុនា ពេលដែល​ចាក់សោ​ចូល​ផ្ទះ​ស្រាប់តែ​បាត់​ម៉ូតូ និង​ស្រា​បៀរ​តែម្តង។​

    ស្ត្រី​រូបនោះ​បន្តថា ស្ថានភាព សោ​ទ្វារផ្ទះ ឃើញ​នៅជាប់​សោរ​ធម្មតា​ទេ តែ​ដល់ពេល ចាក់​បើក ចូលទៅ បែរជា​បាត់ បង់ទ្រព្យ​សម្បត្តិ មិនដឹង​ជនសង្ស័យ លួច​ធ្វើ​សកម្មភាព​តាំងពី​ពេលណា​នោះទេ។​

    ក្រោយពី​ដឹងថា បាត់បង់ ម៉ូតូ ហើយ​នៅ​ព្រឹក​ថ្ងៃទី​០៣ នេះ​ជនរងគ្រោះ​មក​ដាក់ពាក្យ​បណ្តឹង​នៅ​ប៉ុស្តិ៍​ចោមចៅ ដើម្បី​ឲ្យ​សមត្ថកិច្ច​ជួយ​ស្រាវជ្រាវ និង​កំណត់​មុខសញ្ញា៕


 

adverise with khmeread

អ្នកនឹងចូលចិត្ត

មតិយោបល់