adverise with khmeread Cffe9cd5 5d39 4d99 81c2 b69e31ce9a94

គាស់​ទ្វារ​ពួន​សម្ងំ​លួច​ទ្រព្យសម្បត្តិ​ត្រូវ​ប៉ូលិស​វ៉ៃខ្នោះ​

    ភ្នំពេញ ៖ ជនសង្ស័យ​គាស់​ទម្លុះទម្លាយ​ទ្វារ​បន្ទប់​ជួល​ត្រូវបាន​ប៉ូលិស​ប៉ុស្តិ៍​ទួល​សង្កែ​​ត់​ខ្លួន​នៅ​ថ្ងៃទី​០៣ ​មិថុនា​ ឆ្នាំ​២០១៦ ម៉ោង០៧​ និង​៣០​នាទី​នៅ​ចំណុច​បន្ទប់​ជួល​លេខ​១​ ជាន់​ទី​២​ ផ្លូវ​៩០៧ ​ក្រុម​១៥ ​ភូមិ​ទួល​សង្កែ សង្កាត់​ទួល​សង្កែ ខណ្ឌឫស្សីកែវ។​

    ប៉ូលិស​និយាយថា ជនសង្ស័យ​ឈ្មោះ ហេង សុខ​សំ ភេទ​ប្រុស អាយុ​២៧​ឆ្នាំ ខ្មែរ ទីលំនៅ​បន្ទប់​ជួល ភូមិ​សាមគ្គី សង្កាត់​ប្ញ​ស្សី​កែវ មុខរបរ មិន​ប្រាកដ​ត្រូវ​ប៉ូលិស​ឃាត់ខ្លួន​។​

    ចំណែក​ជនរងគ្រោះ​ឈ្មោះ សួស សារឿន​ ភេទ​ស្រី អាយុ​១៨​ឆ្នាំ ខ្មែរ ទី​លំ​ចំណុច​កើត ហេតុ​ខាងលើ មុខរបរ​កម្មការិនី​រោងចក្រ​កាត់ដេរ​ សម្ភារៈ​បាត់បង​គ្មាន​។​

    ប៉ូលិស​បន្តថា ម៉ោង​០៦​ និង​៣០​នាទី​ ថ្ងៃខែ​ឆ្នាំ​ដដែល ជនរងគ្រោះ​ចាក់សោ​ទ្វារ​បន្ទប់​ទៅធ្វើ​ការ។ ពេលនោះ​មីង​ជនរងគ្រោះ​បាន​ឡើង​ចូល​បន្ទប់​យក​អាវ​ពាក់ រួច​រុញ​ទ្វារ​ឃើញ​ជនសង្ស័យ​កំពុង​រើ​ខោអាវ ហើយ​មីង​ក៏​ស្រែក​ឱ្យគេ​ជួយ។ ភ្លាមនោះ​កម្លាំង​ល្បាត​ខណ្ឌ និង​ប៉ុស្តិ៍ អន្តរាគមន៍​ឃាត់​ជនសង្ស័យ​មក​ប៉ុស្តិ៍​សាកសួរ។​

    ជនសង្ស័យ​ឈ្មោះ ហេង សុខ​សំ ត្រូវបាន​ប៉ូលិស​កសាង​សំណុំរឿង​បញ្ជូនទៅ​សាលាដំបូង​រាជធានី​ភ្នំពេញ អនុវត្តន៍​តាម​នីតិវិធី៕

adverise with khmeread

អ្នកនឹងចូលចិត្ត

មតិយោបល់