adverise with khmeread 08c3625d dd40 4958 b0af 8108c4a424aa

បុរស​ជនជាតិ​កូរ៉េ​បើករថយន្ត​បុក​គេ​របួស​សង​អស់​ ២៧០​ ដុល្លារ​បញ្ចប់រឿង​

    ភ្នំពេញ ៖ បុរស​ម្នាក់​បាន​រងរ​បួស​ធ្ងន់ធ្ងរ​ដោយសារតែ​ត្រូវ​រថយន្ដ បុក​ពេញទំហឹង​បណ្ដាលឱ្យ​ប៉ើ​​ង​ខ្ទាត​ជិត​១០​ម៉ែត្រ​កាលពី​វេលា​ម៉ោង​១១​ និង​៣០​នាទី​យប់ ថ្ងៃទី​០៣ ខែមិថុនា ឆ្នាំ​២០១៦ នៅតាម​បណ្ដោយ​មហាវិថី​ព្រះ​នរោត្តម​កែង​ផ្លូវ​លេខ​១០៦ ស្ថិតក្នុង​សង្កាត់វត្តភ្នំ ខណ្ឌដូនពេញ។​

    ប្រភពព័ត៌មាន​បានឱ្យ​ដឹងថា ដំបូង​គេ​ឃើញ​ជនរងគ្រោះ​ជិះ​ម៉ូតូ​មួយគ្រឿង​ម៉ាក​ហុងដា​សង់​កូរ៉េ ពណ៌​ក្រហម ពាក់​ស្លាក​លេខ​ភ្នំពេញ 1AG-8490 ជិះ​ម្នាក់ឯង​ធ្វើដំណើរ​តាម​បណ្ដោយ​មហាវិថី​ព្រះ​ន​រោ​ត​ម្ដ​ទិសដៅ​ពី​ត្បូង​ទៅ​ជើង។​

    ពេលមកដល់​ចំណុចកើតហេតុ​ស្រាប់​តែមាន​រថយន្ដ​មួយគ្រឿង​ម៉ាក RAV4 ពណ៌​ទឹកប្រាក់ ពាក់​ស្លាក​លេខ ភ្នំពេញ​​ 2AF-2351 បើកបរ​ដោយ​បុរស​ជនជាតិ​កូរ៉េ​និង​រួមជាមួយ​នារី​ខ្មែរ​ម្នាក់ ដោយ​ធ្វើដំណើរ​តាម​បណ្ដោយ​ផ្លូវ​លេខ​១០៦ ទិសដៅ​ពី​កើ​តទៅ​លិច​យ៉ាង​លឿន​បំណង​ឆ្លង​មហាវិថី​ព្រះ​នរោត្តម​មិន​ប្រយ័ត្ន​ក៏​ជ្រុល​បុក​ម៉ូតូ​ពេញទំហឹង​បណ្ដាលឱ្យ​ម៉ូតូ​អូស​ជិ​១០​ម៉ែត្រ​ និង​ម្ចាស់​ម៉ូ​​តូ​រងរបួស​បែក​មុខ​បែក​មាត់​រងរបួស​ធ្ងន់ធ្ងរ​។

    ក្រោយពេល​កើតហេតុ​កម្លាំង​សមត្ថកិច្ច ​បាន​ចុះ​ដល់​ធ្វើការ​សម្របសម្រួល​គ្នា​ ដោយ​ភាគី​ខាង​រថយន្ត​ព្រម​សង​ថ្លៃ​ការខូចខាត​និង​ព្យាបាល​របួស​ទៅ​ឲ្យ​ភាគី​រងគ្រោះ​ចំនួន​270$​ដើម្បី​បញ្ចប់រឿង​នៅ​កន្លែងកើតហេតុ​តែម្ដង​ព្រោះ​មិន​ចង់​មានរឿង​វែងឆ្ងាយ​និង​មិន​ចង់​រំខាន​ដល់​សមត្ថកិច្ចផងដែរ​៕

adverise with khmeread

អ្នកនឹងចូលចិត្ត

មតិយោបល់