adverise with khmeread 01cc6f16 eb83 46dc 944e 7ff20e982b54

គេច​ទាន់​កុំ​អី​ដាច់​ក​បាត់ ប៉េអឹម​វ៉ៃខ្នោះ​ជនសង្ស័យ​ពីរ​នាក់​

    បាត់ដំបង ៖ កម្លាំង​កងរាជអាវុធហត្ថ​ស្រុក​មោងឫស្សី បានធ្វើការ​បង្ក្រាប​ករ​ណី​ប៉ុនប៉ង​ឃាតកម្ម ០១ លើក ស្ថិតនៅ​ចំណុច​ភូមិ តា​កុក​២ ឃុំ​មោង ស្រុក​មោង​ឬ​ស្សី ដោយ​ឃាត់ខ្លួន​ជនសង្ស័យ ០២​នាក់​នៅវេលា​ម៉ោង​១១ និង​៥០​នាទី យប់​ថ្ងៃទី​០៥ ខែមិថុនា ឆ្នាំ​២០១៦​។​

    មន្ត្រី​អាវុធហត្ថ​ស្រុក​មោងឫស្សី បានឱ្យដឹងថាជនសង្ស័យ​ទាំង​២​នាក់​នោះ មានឈ្មោះ​ ៖ ១.ឈ្មោះ គឿន រដ្ឋា ហៅថា ភេទ​ប្រុស អាយុ​២៦ឆ្នាំ​មុខរបរ​មិន​ពិតប្រាកដ រស់នៅ​ភូមិ​ពោធិ​២ ឃុំ​គារ ស្រុក​មោងឫស្សី ខេត្តបាត់ដំបង​ និង​២.ឈ្មោះ​ យា​ក កុសល់ ហៅ​កោប ភេទ​ប្រុស អាយុ​២២ ឆ្នាំ​មុខរបរ រស់នៅ​ផ្ទះ​នៅ​ភូមិ​ពោធិ​១ ឃុំ​គារ ស្រុក​មោងឫស្សី ខេត្តបាត់ដំបង​។​

    មន្ត្រី​បន្តថា មុនពេល​កើតហេតុ ជនសង្ស័យ​បាន​ផឹក​ស្រាស​នៅផ្ទះ​របស់ខ្លួន ក៏​បានឃើញ​ជនរងគ្រោះ ជិះ​ម៉ូតូ​ចូលទៅ​កន្លែង​លក់​គ្រឿងក្លែម​ក្បែរ​នោះ ខ្លួន​ក៏មានចិត្ត​ខឹង​ដោយ​ធ្លាប់​ទំនាស់​ជាមួយគ្នា ពីមុនមក​។​

    បន្ទាប់មក​ខ្លួន​បាន​យក​កាំបិត​ខ្វែវ​ដើរ​ចូលទៅ កាប់​ជនរងគ្រោះ ឈ្មោះ​ អ៊ុន ភក្តី ភេទ​ប្រុស អាយុ​២២​ឆ្នាំ មុខរបរ​ធ្វើស្រែ នៅ​ភូមិបន្សៃ​បន្ទាយ ឃុំ​មោង ដែល​កំពុង​ដេក​លើ​អង្រឹង ប៉ុន្តែ​ជនរងគ្រោះ​ក្រឡេកមើល​ទាន់ ក៏​គេចផុត។ វត្ថុតាង​ចាប់យក​រួមមាន​ ៖ ១.ម៉ូតូ​ចំនួន​០១​គ្រឿង​ ​និង ២.កាំបិត​ចំនួន​០១​ដើម។​

    ជនសង្ស័យ និង​វត្ថុតាង​ខាងលើ​ត្រូវ​កម្លាំង​អាវុធហត្ថ​ស្រុក​មោងឫស្សី កំពុង​កសាង​សំណុំរឿង ដើម្បី​ប​ញ្ចូ​នប​ន្ត​តាម​នីតិវិធី​៕​

adverise with khmeread

អ្នកនឹងចូលចិត្ត

មតិយោបល់