adverise with khmeread 34fd12a300000578 0 image a 50 1465255526632

Nato លើកទ័ព ៣១.០០០ នាក់ រថពាសដែក ៣.០០០ គ្រឿង យន្តហោះ ១០៥ គ្រឿង និង​នាវាចម្បាំង ១២ គ្រឿង​មក​ធ្វើ​សមយុទ្ធ​កៀក​រុស្ស៊ី​

​    ​អង្គការ​ណា​តូ (Nato) បានដាក់​ពង្រាយ​ទ័ព ៣១.០០០ នាក់ និង​រថពាសដែក​និង​យន្តហោះ​ចម្បាំង​រាប់រយ​គ្រឿង  ចូលរួម​ក្នុង​សមយុទ្ធ​មួយ​នៅ​អ៊ឺរ៉ុប​ខាងកើត​ដើម្បី​ឆ្លើយតប​ទៅនឹង​ការរំលោភបំពាន​របស់​រុស្ស៊ី ចាប់តាំងពី​សង្គ្រាមត្រជាក់​មក​។​

​    ​សមយុទ្ធ​រយៈពេល ២ សប្ដាហ៍​ដែល​គេ​ឱ្យ​ឈ្មោះថា Anaconda (​ពស់​ពិស​) ដែលមាន​ការចូលរួម​ពី​ទ័ព ២៤ ប្រទេស​របស់​ណា​តូ និង​អតីត​រដ្ឋ​ហត្ថលេខី "​កិច្ចព្រមព្រៀង​សន្តិភាព​" នៃ​អតីត​សហភាពសូវៀត រួមទាំង​អ៊ុយ​ក្រែ​ន បាន​ប្រារព្ធ​ឡើង​នៅ​ទូទាំងប្រទេស​ប៉ូឡូញ​រៀងរាល់​ឆមាស​ចាប់តាំងពី​ឆ្នាំ ២០០៦ មក​។​

​    ​ទ័ព​អង់គ្លេស ១.០០០ នាក់​នឹងចូលរួម​ជាមួយ​ទ័ព ១៤.០០០ មកពី​អាមេរិក និង ១២.០០០ មកពី​ប្រទេស​ប៉ូឡូញ​សម្រាប់​សមយុទ្ធ​ដែលមាន​រថពាសដែក​ប្រហែល ៣.០០០ គ្រឿង យន្តហោះ​ចម្បាំង ១០៥ គ្រឿង និង​នាវាចម្បាំង ១២ គ្រឿង​។​

​    ​នៅ​ពិធី​បើក​ជា​ផ្លូវការ​នៃ​កម្មវិធី​សមយុទ្ធ​ក្នុង​ទីក្រុង Warsaw កាលពី​ថ្ងៃ​ចន្ទ រដ្ឋមន្ត្រីក្រសួង​ការពារ​ប្រទេស​ប៉ូឡូញ​លោក Antoni Macierewicz បាន​និយាយថា ការធ្វើ​សមយុទ្ធ​គឺមាន​គោលបំណង​ដើម្បី​ពង្រឹងសមត្ថភាព​សម្ព័ន្ធ​មិត្ត​ទាំងអស់​ដើម្បី​ការពារ​តំបន់​ប្រយុទ្ធ​ភាគ​ខាងកើត​របស់ខ្លួន​។​

​    ​ចំណែក​រុស្ស៊ី​បាន​ជំទាស់​ទាំង​ក្តៅក្រហាយ​ទៅនឹង​សមយុទ្ធ ដែល​ណា​តូ​ចាត់ទុកជា​យុទ្ធសាស្ត្រ "​បង្អាក់​និង​សន្ទនា​" នេះ​។ 

​    ​គួរ​បញ្ជាក់ដែរថា របាយការណ៍​វិភាគ​របស់​អាមេរិក​កាលពី​ឆ្នាំមុន​បាន​លើកឡើងថា រុស្ស៊ី​ត្រូវការ​ពេល​តែ ៣៦ ទៅ ៦០ ម៉ោង​ប៉ុណ្ណោះ​នឹង​វាយ​ណា​តូ​និង​អាមេរិក​នៅ​អឺរ៉ុប​ខាងកើត​រាប​ដល់​ដី​។ ហើយ​របាយការណ៍​នេះ​លើកឡើងថា បើ​ចង់​ឈ្នះ​រុស្ស៊ី​ទាល់តែ​ចំណាយ ២,៧ ពាន់​លាន​ដុល្លារ​លើ​កម្លាំង​ទ័ព​ជាច្រើន​កងរ​វៈ​សេនា ទើប​តស៊ូ​ជា​ជាមួយ​រុស្ស៊ី​ដល់ទី​បញ្ចប់​៕  

adverise with khmeread
ប្រភព៖ dailymail

អ្នកនឹងចូលចិត្ត

មតិយោបល់