adverise with khmeread 1

​ខណៈ​យូរ៉ូ ២០១៦ កំពុងដំណើរការ ក្លឹប PSG ត្រៀម​ប្រើ​អំណាច​ទឹកប្រាក់​ដើម្បី​ទាក់ទាញ Neymar ពី Barcelona

    ​ក្លឹប​ចាយលុយ​ឥត​សំចៃ​ដៃ Paris Saint-Germain សង្ឃឹម​យ៉ាង​មុតមាំ​ថា ពួកគេ​អាច​ទិញ​តារា​ឆ្នើម​របស់​ក្លឹប Barcelona កីឡាករ Neymar នៅ​រដូវក្តៅ​នេះ​។​

​    ​ក្រុម​នៅ​ប្រទេស​បារាំង​នេះ​កំពុង​ពិចារណា​លើ​តម្លៃ​ខ្លួន ២១៣ លាន​ដុល្លារ​របស់គាត់​ដែល​អាចជា​ការទិញ​ប្រចាំ​រដូវ​កាល​ហើយ​ពួកគេ​ក៏​ត្រៀម​ធ្វើឱ្យ​កីឡាករ​រូបនេះ​ជា​អត្ត​ព​លិ​ក​រកប្រាក់​ចំ​ណួ​ល​ច្រើនជាងគេ​ក្នុង​ពិភពលោក​ផងដែរ​។​

​    ​PSG នឹង​ចាប់ផ្តើម​រដូវ​កាល​ក្រោយ​ដោយ​គ្មាន​ខ្សែប្រយុទ្ធ​ឆ្នើម Zlatan Ibrahimovic ហើយ​ប្រភពពី​ប្រទេស​បារាំង​បានឱ្យដឹងថា Neymar ដែល​ធ្លាប់​ជាប់ទាក់ទង​នឹង Man Utd នឹងត្រូវ​បានចាត់ទុក​ជា​អ្នក​ជំនួស​ដ៏​មាន​សមត្ថភាព​មួយរូប​។​

​    ​កុងត្រា​របស់ Neymar នៅ​ក្រុម​អ្នកមាន​បុណ្យ​នឹង​ផុតកំណត់​នៅ​ឆ្នាំ ២០១៨ ហើយ​ក្លឹប​យក្ស​អេ​ស្ប៉ា​ញ​មួយ​នេះ​អាច​នឹង​លក់​ខ្សែប្រយុទ្ធ​រូបនេះ​ខណៈ​ទឹក​លុយ​ដ៏​ច្រើន​នេះ​អាចជួយ​ពួកគេ​ស្វែងរក​កីឡាករ​មាន​សមត្ថភាព​និង​តម្លៃ​សមរម្យ​ផ្សេងទៀត​។​

​    ​កីឡាករ​សញ្ជាតិ​ប្រេ​ស៊ី​ល​រូបនេះ​បាន​រក​គ្រាប់​បាល់​ចំនួន ២៤ គ្រាប់​ក្នុងការ​បង្ហាញខ្លួន​ចំនួន ៣៤ លើក​កាលពី​រដូវ​កាល​មុន ខណៈ Barca បានឈ្នះ La Liga ប៉ុន្តែ​ឯកសា​បែកធ្លាយ​កាលពីពេល​ថ្មីៗ​នេះ​បាន​លាតត្រដាង​ថា Neymar រកប្រាក់​ចំណូល​បានត្រឹមតែ ១០៩.៧៦៧ ដុល្លារ​ក្នុង​មួយ​សប្តាហ៍​តែប៉ុណ្ណោះ​ដែល​តិចជាង Messi ដល់​ទៅ​បី​ដង​។​

​    ​ភ្នាក់ងារ​របស់ Neymar លោក Wagner Ribeiro បាន​និយាយថា "​ប្រសិនបើ PSG បង្ហាញ​ការចាប់អារម្មណ៍​លើ Neymar យើង​អាច​ពិភាក្សា​រឿងនេះ​បាន​។ កិច្ចសន្យា​អាច​ផ្តាច់​បាន​ផងដែរ​ប្រសិនបើ​ប្រាក់​ចរចា​ទិញ​ត្រូវបាន​បង់​"​។​

​    ​ប៉ុន្តែ​គាត់​បាន​បន្តថា "​គាត់​មាន​អារម្មណ៍ល្អ​នៅ Barcelona​។ គាត់​ស្រឡាញ់​ទីនោះ ហើយ​គាត់​កំពុង​លេង​ឱ្យ​ក្លឹប​ដ៏​អស្ចារ្យ​ក្នុង​ពិភពលោក​"៕

ប្រភព៖ Daily Mail

adverise with khmeread

មតិយោបល់