adverise with khmeread C170045a 2b9a 4a27 8f33 0b1fbc6819ed

រថយន្ត​សាំង​យ៉ុង​បើក​បុក​ពីក្រោយ​រ៉ឺម៉ក​កង់​បី​រងរបួស​ធ្ងន់​១២​នាក់ និង​ស្លាប់​នារី​ម្នាក់​(​មាន​វីដេអូ​)

    ភ្នំពេញ ៖ មាន​នារី​ម្នាក់​បាន​ស្លាប់​នៅនឹងកន្លែង​កើតហេតុ និង​មនុស្ស​ស្រី​ប្រុស​១២​នាក់​ផ្សេងទៀត​រងរបួស​ធ្ងន់​និង​ស្រាល ដោយសារ​ជួប​គ្រោះថ្នាក់​រវាង​រ៉ឺម៉ក​កង់​បី​និង​រថយន្ត​សាំង យ៉ុង បុក​គ្នា​យ៉ាង​ពេញទំហឹង កាលពី​វេលា​ម៉ោង១០​ និង​៣០​នាទី​យប់​ថ្ងៃទី១២ ខែមិថុនា ឆ្នាំ២០១៦ នៅតាម​បណ្តោយ​មហាវិថី​សហព័ន្ធរុស្ស៊ី​ភូមិ​ព្រៃ​ជី​សាក់ សង្កាត់​ចោមចៅ ខណ្ឌ​ពោធិ​សែន​ជ័យ។​

    តាម​ប្រភពពី​ជនរងគ្រោះ​ជានា​រី​ម្នាក់ ឈ្មោះ វ៉ាន់ ស្រី​លីន អាយុ​២២​ឆ្នាំ រងរបួស​បាក់ជើង​ដែល​អាចនិយាយបាន រៀបរាប់​ឱ្យដឹងថា នៅ​មុនពេល​កើតហេតុ​ពួកនាង​មាន​គ្នា​១២​នាក់ ប្រុស​៣​នាក់ រួម​និង​ពូ​ម្ចាស់​រ៉ឺម៉ក​កង់​បី ទើប​ត្រឡប់​មកពី​ដើរលេង​កម្សាន្ត​នៅ​ចំការ​ព្រីង បំណង​ត្រឡប់ទៅផ្ទះ​ជួល​វិញ​នៅ​ភូមិ​ព្រៃ​ព្រីង​ខាងជើង សង្កាត់​ចោមចៅ។​

    ខណៈ​ជិះ​មកដល់​ចំណុចកើតហេតុ​តាម​បណ្តោយ​មហាវិថី​សហព័ន្ធរុស្ស៊ី​ទិសដៅ​ពី​កើ​តទៅ​លិច ដល់​ចំណុច​ភូមិ​ព្រៃ​ជី​សាក់ ក៏មាន​រថយន្ត​សាំង​យ៉ុង​មួយគ្រឿង​ពណ៌សំបក​ឪឡឹក​ពាក់​ស្លាក​លេខ​កំពង់ចាម 2A-3723 បើក​មកពី​ក្រោយ​ស្រាប​គ្នា​យ៉ាង​លឿន​ទំនងជា​អ្នកបើកបរ​ស្រវឹង បានមក​បុក​ចំ​ក្រោយ​ពេញទំហឹង បណ្តាល​ក្រឡាប់​រ៉ឺម៉ក ខ្ទាត​មនុស្ស​ចេញ​ពេញ​ផ្លូវ​និង​អ្នក​ខ្លះទៀត​ជាប់​នៅក្នុង​រ៉ឺម៉ក ហើយ​រ៉ឺម៉ក​ខូ​ត​ខាត​ទាំងស្រុង​។​

    នារី​រងគ្រោះ​បាន​បន្តទៀតថា នៅក្នុង​រ៉ឺម៉ក​នោះ​មាន​គ្នា​១២​នាក់​ប្រុស​មាន​ចំនួន​៣នាក់​បូករួម​ទាំង​ពូ​ម្ចាស់​រ៉ឺម៉ក​កង់​បី និង​ជនរងគ្រោះ​ដែល​ស្លាប់​ជា​ប្អូនស្រី​បង្កើត​របស់​នាង​ឈ្មោះ វ៉ាន់ ស្រី​ថង អាយុ​២០​ឆ្នាំ មាន​ស្រុកកំណើត​នៅ​ភូមិ​៣៣ ឃុំ​ចំការលើ ស្រុក​ចំការលើ ខេត្តកំពង់ចាម​។​

    នៅ​កន្លែងកើតហេតុ គេ​ឃើញ​មាន​បុរស​ម្នា​ក់លូន​ចេញពី​រថយន្ត​បង្ក​រងរបួស​ធ្ងន់ ត្រូវបាន​ប្រជាពលរដ្ឋ​ចាប់បាន​វាយ​រហូតដល់​សន្លប់ ត្រូវ​បញ្ជូនទៅ​សង្គ្រោះ​ផងដែរ​។​

    ក្រោយពេល​កើត​ត្រូវ​រងគ្រោះ​១០​នាក់​ត្រូវបាន​រថយន្ត​ក្រុម​សង្គ្រោះបន្ទាន់​៧១១ កងពល​៧០ ដឹក​ទៅ​សង្គ្រោះ​នៅ​មន្ទីរពេទ្យ​ព្រះ​កុ​សុ​មះ​ជា​បន្តបន្ទាប់​។ ចំណែក​ជនរងគ្រោះ​២​នាក់​ទៀត​ត្រូវ​រថយន្ត​គ្លីនិក ហុង ហាក់ មក​ដណ្តើម​ដឹក​ទៅ​សង្គ្រោះ​ផងដែរ។​

    ដោយឡែក​រ៉ឺម៉ក​កង់​បី​និង​រថយន្ត​បង្ក​ត្រូវបាន​សមត្ថកិច្ច​ជំនាញ​ចរាចរណ៍​ក្រុង​ចុ​មក​វាស់វែង​នាំយកទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក​រាជធានី​ភ្នំពេញ ដើម្បី​រង់ចាំ​ការដោះស្រាយ។ ចំណែក​សព ត្រូវបាន​សមត្ថកិច្ច​រៀប​ចំ​ឯកសារ យកទៅ​រក្សាទុក​នៅ​វត្ត​សំបួរមាស រង់ចាំ​សាច់​ញាត់​មក​ទទួលយក​ទៅធ្វើ​បុណ្យ​តាម​ប្រពៃណី​នៅឯ​ស្រុកកំណើត​៕

 

adverise with khmeread

អ្នកនឹងចូលចិត្ត

មតិយោបល់