adverise with khmeread 826db4e1 498c 4a53 8811 1e032df59a2a

បុរស​ម្នាក់​ដួល​ស្លាប់​ក្បែរ​ចេ​តី​យ៍​វត្ត​ក្រពើ​ហារ​

    កណ្តាល ៖ មាន​ករណី​បុរស​ម្នាក់​គាំងបេះដូង​ស្លាប់​នៅ​ចំណុច មុខ​ចេ​តី​យិ៍​ក្នុង​វត្ត​ប្រជុំ​នទី​ក្រពើ​ហារ ភូមិ​ក្រពើ​ហារ សង្កាត់​ព្រែក​ឬ​ស្សី ក្រុង​តាខ្មៅ ខេត្តកណ្តាល​នា​ថ្ងៃទី​១៤ ​មិថុនា ​ឆ្នាំ​២០១៦​វេលា​ម៉ោង​០៧​ និង​១០​នាទី។​

    ប៉ូលិស​និយាយថា ជនរងគ្រោះ​មិន​ស្គាល់​អត្តសញ្ញាណ ភេទ​ប្រុស អាយុ​ប្រហែល​៥០​ឆ្នាំ  សម្បុរ​ខ្មៅ​ស្រអែម មាន​ដុះ​ពុកមាត់​ និង​ពុកចង្កា ស្លៀកខោ​ខ្លី​ពណ៌​ឆ្នូត​ក្រឡា​កំពស់​១៦៥​សង់ទីម៉ែត្រ ពាក់អាវ​ដៃខ្លី ពណ៌​ស ចំហរ​ឡេវ (​ជនអនាថា​)​។​ ​ក្បែរ​សាកសព​បន្សល់​នូវ​ដប​ទឹក​សុទ្ធ​កន្លះ​លីត្រ​ច្រក​ស្រាថ្នាំ​នៅសល់​ប្រហែល​១/៣ នៃ​ដប ​និង​ឈើមូល​ប៉ុនកដៃ​ប្រវែង​១​ម៉ែត្រ​ឈើ​សំរាប់​ជនរងគ្រោះ​កាន់​ច្រត់​ដើរ​រាល់ថ្ងៃ​។​

    ប៉ូលិស​បន្តថា មុនពេល​កើតហេតុ​តាម​ការបំភ្លឺ​របស់​ព្រះសង្ឃ​ឈ្មោះ​ ថេ​ង សុខ​ថា គង់ នៅ​ក្នុង​វត្ត​ក្រពើ​ហា បាន​បំភ្លឺ​ប្រាប់ថា ជនរងគ្រោះ​ខាងលើ​ជាន​អនាថា គ្មាន​សាច់ញាតិ បានមក​ដេក​ស្នាក់​នៅមុខ​ចេ​តី​យ៍​ក្នុង​វត្ត​ជា​រៀងរាល់ថ្ងៃ ដើម្បី​សុំទាន​យកលុយ​ពី​ពុទ្ធបរិស័ទ ជា​មនុស្ស​ញៀន​ស្រា​មិនដែល​ឃើញ​ហូបបាយ​ហូប​ទឹក​នោះទេ​។​

    រហូតមកដល់​ថ្ងៃកើតហេតុ​ខាងលើ បានឃើញ​គាត់​ដេក​ដូច​សព្វមួយដង តែ​គាត់​​ដេក​មិន​ក្រោក​ក៏បាន​នាំគ្នា​ទៅ​មើល​ទើប​ដឹងថា​ស្លាប់ ហើយ​បាន​រាយការណ៍ ជូន​សមត្ថកិច្ច​ជំនាញ​ក្រុង​តាខ្មៅ ចុះ​មើល​ពិនិត្យ​កន្លែងកើតហេតុ និង​សាកសព​ឃើញថា ពុំមាន​ស្លាកស្នាម​អ្វី​គួរ​ឱ្យ កត់សំគាល់​ឡើយ​។​

    ក្រោយពី​ពិនិត្យ​ចប់ ជនរងគ្រោះ​ពិតជា​បាន​ស្លាប់​ដោយសារ​ខ្យល់គ ប្រាកដ​មែន​។ សាកសព​ត្រូវបាន​ប្រគល់ជូន លោក​មេភូមិ​ក្រ​ពើហារ ដើម្បី រៀបចំ​ចាត់ចែង​យកទៅ​ធ្វើបុណ្យ​តាម​ប្រពៃណី​៕

adverise with khmeread

អ្នកនឹងចូលចិត្ត

មតិយោបល់