adverise with khmeread 1

រឿង​ទាំង ៦ នេះ​ស្ត្រី​ជា​ភរិយា​មិនគួរ​រំពឹង​ពី​ស្វាមី​នោះឡើយ​!

​    ​ស្ត្រី​ជា​ភរិយា​គ្រប់រូប​តែង​ចង់បាន​អ្វីៗ​ជាច្រើន​ពី​បុរស​ជា​ស្វាមី ប៉ុន្តែ​មានរឿង​មួយចំនួន ស្ត្រី​មិនគួរ​រំពឹង​ពី​បុរស​រហូត​នោះទេ​។ 

​    ​១. ការសរសើរ​
​    ​ភាពជឿជាក់​របស់​ភរិយា​មិនគួរ​ពឹង​ផ្អែកលើ​ទស្សនៈ​របស់​ស្វាមី​នោះឡើយ​។ ត្រូវ​រៀន​ជំរុញ​ភាព​ទាក់ទាញ​ដោយ​ខ្លួនឯង មិនចាំបាច់​ទាល់តែ​ស្វាមី​និយាយ​លើកទឹកចិត្ត​និង​សរសើរ​ទើប​អាច​ចាប់ផ្តើម​ធ្វើឱ្យ​ប្រសើរ​នោះឡើយ​។ 

​    ​២. ការថែទាំ​    ​
​    ​កុំ​រំពឹង​ខាង​ស្វាមី​យកចិត្តទុកដាក់​ចំពោះ​ខ្លួន​ខ្លាំងពេក ពុំនោះ​ទេវា​នឹង​ធ្វើឱ្យ​អ្នកមាន​អារម្មណ៍​អន់ចិត្ត យល់ច្រឡំ និង​ឯកោ នៅពេល​គាត់​មិនបាន​អើពើ​នឹង​អ្នក​។ បុរស​ជួនកាល​មិនសូវ​រវីរវល់​ថែទាំ​ប្រពន្ធ​ទេ ប៉ុន្តែ​នៅពេល​ជួប​ស្ថាន​ភាពមិន​រំពឹងទុក​ណាមួយ ធម្មជាតិ​នៃ​ការថែទាំ​របស់​មនុស្ស​ប្រុស​ជា​ស្វាមី​គឺ​លេច​ចេញមក​ដោយ​ឯកឯង​។​

​    ​៣. លាភសក្ការៈ​
​    ​កុំ​រំពឹង​ស្វាមី​ប្រគល់​អ្វីៗ​ដែល​រកបាន​មកឱ្យ​អ្នក​គ្រប់ពេលវេលា ព្រោះ​គាត់​មិនមែន​ជាតា​ណូអែល​ទេ​។ បើ​គាត់​មាន​អ្វី​ប្រគល់ឱ្យ​អ្នក​ក៏ដោយ ក៏​អ្នក​ត្រូវតែ​ទទួលយក​ពី​គាត់ កុំ​រំពឹង​ហួសប្រមាណ​។ 

​    ​៤. ពូកែ​ម៉ិ​ក​ទឹកចិត្ត​
​    ​បុរស​គ្រប់រូប​មិនមែនជា​គ្រូទាយ​នោះទេ ប្រសិនបើ​មានរឿង​អ្វី​ចង់​និយាយ ត្រូវ​និយាយប្រាប់​គាត់​ដោយ​ត្រង់​កុំ​លាក់លៀម​។​

​    ​៥. សារភាព​
​    ​បុរស​មានរឿង​ពីរ​ក្នុង​ចិត្ត​ជានិច្ច ទីមួយ​គឺ​រឿង​ដែល​អាច​និយាយ និង​រឿង​មិនអាច​និយាយ​។ អ្នក​មិនគួរ​សង្ស័យ ឬ​អង្គុយ​ពិបាកចិត្ត​ដែល​ស្វាមី​មិនបាន​ប្រាប់​រឿង​ដែល​លាក់បាំង​នោះឡើយ​។ គួរ​ទុកពេល​ឱ្យ​គាត់​ផង គាត់​ក៏មាន​រឿង​ដែល​ពិបាកចិត្ត មិន​ចង់ឱ្យ​នរណា​ដឹង​ដូច​តែម​នុស្ស​ស្រី​ដែរ​។​

​    ​៦. លះបង់​
​    ​ប្រសិនបើ​ភរិយា​រង់ចាំតែ​ស្វាមី​លះបង់​គ្រប់​អ្វីៗ​ដើម្បី​ខ្លួន នោះ​នាង​នឹង​ខកចិត្ត​ម្តង​ហើយ​ម្តងទៀត នៅពេល​គាត់​មិនបាន​ធ្វើការ​លះបង់​តាម​បំណង​របស់​នាង​។ អ្នក​មិនត្រូវ​រំពឹង​បែបនេះ​នោះឡើយ បើ​អ្នក​ពិតជា​ស្រឡាញ់​គាត់​មែន​នោះ​។ 

​    ​សរុបសេចក្តី សារ​ដ៏​សំខាន់​តែមួយគត់​ពី ៦ ចំណុច​នេះ​គឺ ស្ត្រី​មិនគួរ​រង់ចាំ​បុរស​ធ្វើឱ្យ​ខ្លួន​មាន​អារម្មណ៍​ពោរពេញ​ដោយ​ក្តី​ស្រឡាញ់​នោះទេ ត្រូវ​ចេះ​យល់​អារម្មណ៍​គាត់​ផង ព្រោះ​បុរស​ដែល​ស្រឡាញ់​ភរិយា​ពិត​កម្រ​មាន​អំណួត​អួតអាង​អំពី​រឿង​ទាំង ៦ ចំណុច​នេះ​ណាស់​៕

adverise with khmeread
ប្រភព៖ kikblog

អ្នកនឹងចូលចិត្ត

មតិយោបល់