adverise with khmeread  89971804 eeb3954a 82b9 42f4 b558 762dfe9c8b36

ចេះតែមាន​! ឥណ្ឌា "​ចាប់ខ្លួន​" តោ ១៨ ក្បាល ដើម្បី​វែកមុខ​ឃាតករ​សម្លាប់​មនុស្ស ៣ នាក់​

​    ​យោងតាម​ប្រភព​វេ​ប​សាយ BBC ចេញផ្សាយ​កាលពី​ម្សិលមិញ​បានឱ្យដឹងថា ក្រុមមន្ត្រី​ក្នុងប្រទេស​ឥណ្ឌា​បាន "​ចាប់ខ្លួន​" តោ ១៨ ក្បាល ខណៈ​ពួកគេ​ព្យាយាម​ស្វែងរក​តោ​ស៊ីម​នុស្ស​មួយ​ក្បាល ដែល​សង្ស័យ​សម្លាប់​មនុ​ស្ស ៣ នាក់​។

​    ​ក្រុមមន្ត្រី​ព្រៃឈើ​ក្នុង​រដ្ឋ Gujarat នឹងធ្វើ​តេស្ត​ស្នាម​ដៃជើង​របស់​តោ និង​លាមក​របស់​វា​ក្នុង​បំណង​កំណត់​អត្តសញ្ញាណ​ឃាតករ​។

​    ​ក្រុមមន្ត្រី​បាន​និយាយថា "​តោ​ដែល​មានទោស​" នឹងត្រូវ​រក្សាទុក​ក្នុង​សួនសត្វ​អស់​មួយជីវិត ខណៈ​តោ​ផ្សេងទៀត​នឹង​ព្រលែង​ចូល​ព្រៃ​អភិរក្ស Gir របស់​រដ្ឋ Gujarat វិញ​។

​    ​ការវាយប្រហារ​ចំនួន ៦ លើក​ត្រូវបាន​រាយការណ៍​នាពេល​ថ្មីៗ​នេះ​នៅក្បែរ​ព្រៃ​អភិរក្ស​ខាងលើ ជា​ជម្រក​សត្វ​តោ​តែមួយគត់​នៅ​អាស៊ី​។​

​    ​មន្ត្រី​កំពូល​ផ្នែក​ព្រៃឈើ​ប្រចាំ​រដ្ឋ Gujarat លោក JA Khan តោ​ទាំង ១៨ ក្បាល​នេះ​ត្រូវបាន​ចាប់ខ្លួន​អំឡុង​រយៈពេល ២ សប្តាហ៍​មកហើយៗ​ឥឡូវ​កំពុង​ធ្វើតេស្ត​៕

adverise with khmeread

អ្នកនឹងចូលចិត្ត

មតិយោបល់