429be875 2ba2 49c5 a2cc 222a66891e2e

ខូច​ម៉េះ​ពូ​វា​! បោកប្រាស់​យកលុយ​ទៅ​បាត់​អត់​ធ្វើឯកសារ​ឱ្យគេ​

    ភ្នំពេញ ៖ បុរស​ម្នាក់​ត្រូវ បាន​ប៉ូលិស​ខណ្ឌមានជ័យ​ឃាត់ខ្លួន​ក្នុង​ករណី​ឆបោក​យកប្រាក់​ថ្លៃ​ធ្វើ​អត្តសញ្ញាណប័ណ្ណ​សញ្ជាតិ​ខ្មែរ​,​ សៀវភៅ​ស្នាក់នៅ និង​សំបុត្រកំណើត​កាលពី​ថ្ងៃទី​២៣​ ខែឧសភា ឆ្នាំ​២០១៦​ វេលា​ម៉ោង​០៩​នៅ​ចំណុច​ផ្ទះ​គ្មាន​លេខ ផ្លូវលំ ក្រុមទី​០៣ ភូមិភ្នា​ត  សង្កាត់ស្ទឹងមានជ័យ ខណ្ឌមានជ័យ។​

    ប៉ូលិស​និយាយថា ជនសង្ស័យ​ឈ្មោះ ម៉ែន វណ្ណា ភេទប្រុស អាយុ៥៧ឆ្នាំ មុខរបរយោធា ស្នាក់​នៅផ្ទះ​លេខ​៤០០ ផ្លូវលំ ភូមិ ភ្នា​ត សង្កាត់ ស្ទឹងមានជ័យ ខណ្ឌមានជ័យ រាជធានី​ភ្នំពេញ (​ឃាត់ខ្លួន​)។​

    ចំណែក​ជនរងគ្រោះ​ទី​១-​ឈ្មោះ តា​យ ពា​វ ភេទប្រុស អាយុ៦៤ឆ្នាំ មុខរបរនៅផ្ទះ ស្នាក់​នៅផ្ទះ​លេខ១៩៧ ផ្លូវលំ ភូមិ ភ្នា​ត សង្កាត់ ស្ទឹងមានជ័យ ខណ្ឌ មានជ័យ  រាជធានី​ភ្នំពេញ, ​ជនរងគ្រោះ​ទី​២​ឈ្មោះ ត្រោក ច័ន្ទ​សុវណ្ណ​ន​រ៉ា ភេទប្រុស អាយុ២៧ឆ្នាំ មុខរបរមន្ត្រី​ក្រសួងការបរទេស ស្នាក់​នៅផ្ទះ​លេខគ្មាន ផ្លូវលំ  ភូមិភ្នា​ត សង្កាត់ស្ទឹងមានជ័យ ខណ្ឌមានជ័យ រាជធានី​ភ្នំពេញ និង​ជនរងគ្រោះ​ទី​៣​ឈ្មោះ គង់ ប៊ុន​ថា​ន ភេទប្រុស អាយុ៤០ឆ្នាំ មុខរបរយោធា ស្នាក់​នៅផ្ទះ​លេខ១៤  ផ្លូវលំ  ភូមិដំណាក់​ធំ​១ សង្កាត់ ស្ទឹងមានជ័យ ខណ្ឌមានជ័យ។ សម្ភារៈ​បាត់បង់​៖ ប្រាក់​សរុប​​ ចំនួន១២៣០ដុល្លារ។​

    ប៉ូលិស​បន្តថា មុនពេល​កើតហេតុ​ជនរងគ្រោះ​ឈ្មោះ ត្រោក សុវណ្ណ​ន​រ៉ា បាន​ពឹង​ជនសង្ស័យ​ឈ្មោះ ម៉ែន សុវណ្ណ ឲ្យ​ជួយ​រត់​ការធ្វើ​សៀវភៅ​ស្នាក់នៅ និង សំបុត្រកំណើត​ក្នុងតម្លៃ ២៣០​ដុល្លារ, ជនរងគ្រោះ​ឈ្មោះ តា​យ ពា​វ បាន​ពឹង​ជនសង្ស័យ​ឈ្មោះ ម៉ែន សុវណ្ណ ឲ្យ​ជួយ​រត់​ការកែ​អត្តសញ្ញាណប័ណ្ណ​សញ្ជាតិ​ខ្មែរ​របស់​កូន​ឈ្មោះ តា​យ រតនា ដែល​ខុស​ថ្ងៃកំណើត ក្នុងតម្លៃ៥០ដុល្លារ​, ហើយ​ជនរងគ្រោះ​ឈ្មោះ គង់ ប៊ុន​ថា​ន ក៏បាន​បាន​ពឹង​ជនសង្ស័យ​ឈ្មោះ ម៉ែន សុវណ្ណ ឲ្យ​ជួយ​រត់​ការធ្វើ​អត្តសញ្ញាណប័ណ្ណ​សញ្ជាតិ​ខ្មែរ​០១​សន្លឹក​ និង​ធ្វើ​ច្បាប់​អាជីវកម្ម​បើក​ផ្ទះសំណាក់​ក្នុងតម្លៃ៩៥០​ដុល្លារ ជា​បន្តបន្ទាប់​គ្នា​។​

    ពេល​ទទួល​លុយ​ពី​ជនរងគ្រោះ​បាន​ហើយ ជនសង្ស័យ​បានគេច​ខ្លួន​ដោយ​មិនបាន​ធ្វើឯកសារ​ជូន​ជនរងគ្រោះ​ទាំង​០៣​នាក់​នោះទេ។ លុះ​មកដល់​ថ្ងៃទី​១៨​ ខែមិថុនា ឆ្នាំ​២០១៦ វេលា​ម៉ោង​១៥​រសៀល​ជនរងគ្រោះ​ឈ្មោះ តា​យ ពា​វ , ឈ្មោះ ត្រោក សុវណ្ណារ៉ា , ឈ្មោះ គង់ ប៊ុន​ថា​ន ប្រទះឃើញ​ជនសង្ស័យ​ឈ្មោះ ម៉ែន សុវណ្ណ នៅផ្ទះ​ភូមិភ្នា​ត សង្កាត់ស្ទឹងមានជ័យ ក៏​ឃាត់ខ្លួន​យកមក​ប្រគល់ឱ្យ​ប៉ូលិស​ប៉ុស្តិ៍​ស្ទឹងមានជ័យ​ចាត់ការ​តាមច្បាប់​តែម្តង។​

    ក្នុងនោះ​ប៉ូលិស​បាន​ចាប់យក​វត្ថុតាង​៖ អត្តសញ្ញាណប័ណ្ណ​សញ្ជាតិ​ខ្មែរ​លេខ​០១០៩៧៣៤០១ ​ចំនួន​០១​សន្លឹក​, សៀវភៅ​ស្នាក់នៅ​មិនទាន់​សរសេរ ចំនួន​០៤​សន្លឹក​,​ សៀវភៅ​ស្នាក់នៅ​សរសេរ រួច​ចំនួន​០៤​សន្លឹក​,​ និង​ឯកសារ​មួយចំនួនទៀត៕

អ្នកនឹងចូលចិត្ត

មតិយោបល់