adverise with khmeread B406d4fb 6016 4397 89c2 dd603579cc57   copy

ជំនាញ​ខាង​ប្រើ​ហិង្សា​ជាប់​ខ្នោះ​

    កណ្តាល ៖ បុរស​ម្នាក់​ត្រូវបាន​ប៉ូលិស​ឃាត់ខ្លួន​ពីបទ​ធ្វើឱ្យ​ខូចខាត​ដោយ​ចេតនា​ និង​បង្ក​ឲ្យ​មាន​របួសស្នាម​កាលពី​ថ្ងៃ​ទី​១៩ មិថុនា ​ឆ្នាំ២០១៦ វេលា​ម៉ោង​១១​ និង​៣០​នាទី​ចំណុច​ផ្ទះ​របស់ ជនរងគ្រោះ​ភូមិ​ព្រែក​តា​ពៅ សង្កាត់​ដើម​មៀន ក្រុង​តាខ្មៅ ខេត្តកណ្តាល​។​

    ប៉ូលិស​និយាយថា  ជនរងគ្រោះ​ឈ្មោះ​ ស៊ឹម ថុល ភេទ ប្រុស អាយុ​៣៥​ឆ្នាំ​ ​ទីលំនៅ​​កន្លែងកើតហេតុ​មុខរបរ​​រត់​ម៉ូតូឌុប។ ចំណែក​ជនល្មើស​ឈ្មោះ សយ ចាន់​សិទ្ធ ភេទប្រុស អាយុ​២៥​ឆ្នាំ​ មុខរបរ​មិន​ពិតប្រាកដឃាត់ខ្លួន​។​

    ប៉ូលិស​បន្តថា នៅវេលា​កើតហេតុ​ខាងលើ​ជនរងគ្រោះ ​និង​ប្រពន្ធ​ឈ្មោះ សយ​ ស៊ី​ណាក់ នៅក្នុង​ផ្ទះ​កំពុងតែ​រៀបចំ​កន្លែង​ឱ្យ​កូន​ដេក។ ពេលនោះ​ជនល្មើស ​(​សយ ចាន់​សិទ្ធ​)​ ត្រូវជា​ប្អូនថ្លៃ មិនដឹង​ជាមាន​រឿង​អ្វី​ទេ​បាន​យក​ដុំថ្ម គប់​មកលើ​ទ្វា​កញ្ចក់ និង​យក​កំណាត់ឈើ​មក​វាយ​បង្អួច​បន្ថែមទៀត​បណ្តាល​ឱ្យ​បែក​អស់ ហើយ​ស្រែក​ទារលុយ​ម្តាយ​ចំនួន​មួយ​ម៉ឺន​រៀល។​

    តែ​ម្តាយ​មិនឱ្យ​ក៏​យក​ដំ​ថ្ម​គប់​មកលើ​ម្តាយ​ចំក្បាល​ជង្គង់​បណ្តាលឱ្យ​ហូរឈាម រួច​ក៏ត្រូវ​សមត្ថកិច្ច​ប៉ុស្តិ៍​ដើម​មៀន​ឃាត់ខ្លួន​រួមទាំង​វត្ថុតាង​យកមក​អធិកា​ដ្ឋា​ន​ប៉ូលិស​ក្រុង​តាខ្មៅ ដើម្បី​ចាត់ការ​តាម​នីតិវិធី​ច្បាប់​៕​

adverise with khmeread

មតិយោបល់