adverise with khmeread 16daeac9 1d90 464f 818a 8ba1e58f749a

គ្រូបង្រៀន​ម្នាក់​ត្រូវបាន​ឃាត់ខ្លួន​ជាមួយ​ថ្នាំញៀន​២​កញ្ចប់​តូច​

    កំពង់ចាម ៖ ជនសង្ស័យ​ម្នាក់​ត្រូវបាន​ប៉ូលិស​ស្រុក​កោះសូទិន​បង្ក្រាប​ឃាត់​ខ្លួន​ពីបទ​ជួញដូរ​ដោយ​ខុសច្បាប់​នូវ​សារធាតុ​ញៀន​នៅ​ថ្ងៃទី​១៩ ខែមិថុនា ឆ្នាំ​២០១៦ វេលា​ម៉ោង១២ ​និង​៣០​នាទី​នៅ​ចំណុច​ឃុំ​មហាខ្ញូង ស្រុក​កោះសូទិន ខេត្តកំពង់ចាម។​

    ប៉ូលិស​និយាយថា កម្លាំង​អធិការដ្ឋាន​ស្រុក​កោះសូទិន​បាន​ប្រើ​ប្រាស់​ជំនាញ​បង្ក្រាប​ករណី ជួញដូរ​ដោយ​ខុសច្បាប់​នូវ​សារធាតុ​ញៀន​០១​ករណី​ឃាត់ខ្លួន​ជនសង្ស័យ​ឈ្មោះ សោម ជឿន ភេទ​ប្រុស អាយុ​៣៩​ឆ្នាំ ជាតិខ្មែរ មុខរបរ​គ្រូបង្រៀន​រស់នៅ​ភូមិ​កំពង់ចំលង ឃុំ​មហាខ្ញូង ស្រុក​កោះសូទិន ខេត្តកំពង់ចាម។​

    វត្ថុតាង​ដែល​សមត្ថកិច្ច​ដកហូត​បានរួម​មាន​៖ ថ្នាំញៀន​ប្រភេទ​ម្សៅ​ក្រាម​ពណ៌​ស​​ ចំនួន​០២​កញ្ចប់​តូច ទូរស័ព្ទដៃ​ម៉ាក​អ៊ិន​ចុច​ពិល០១​គ្រឿង ម៉ូតូ​C125 ស៊េរី​២០១៦​ចំនួន​០១​គ្រឿង​។​

    បច្ចុប្បន្ន​ជនសង្ស័យ​ត្រូវបាន​ឃាត់ខ្លួន​ជា​បណ្ដោះអាសន្ន​នៅ​អធិការដ្ឋាន​ប៉ូលិស​ស្រុក​កោះសូទិន ដើម្បី​កសាង​សំណុំរឿង​បញ្ជូនទៅ​សាលាដំបូង​ខេត្តកំពង់ចាម​ចាត់ការតាម​និ​តិ​វិធី៕

adverise with khmeread

អ្នកនឹងចូលចិត្ត

មតិយោបល់