adverise with khmeread Mg chewinggum swallow comp

ច្រឡំ​លេប​ស្ករ​កៅស៊ូ តើ​នឹងមាន​គ្រោះថ្នាក់​ដល់​ជីវិត​ដែរ​ទេ​?

    ​យើង​ដឹង​ហើយ​ថា​យើង​មិនគួរ​លេប​វា​ទេ ហើយ​យើង​ក៏​មិនបាន​នឹកឃើញ​ចង់​លេប​វា​នោះដែរ​។​

​    ​វេ​ប​សាយ Buzzfeed ទីបំផុត​បានបង្ហាញ​ការពិត​នៃ​ការ​លេប​ស្ករ​កៅស៊ូ​។ ពួកគេ​បាន​និយាយ​ទៅកាន់​វេជ្ជបណ្ឌិត Lisa Ganjhu ជា​អ្នកជំនាញ​ផ្នែក​វេជ្ជសាស្ត្រ​នៅ​មជ្ឍមណ្ឌល​វេជ្ជសាស្ត្រ NYU Longone Medical Center ក្នុង​ទីក្រុង New York ដើម្បី​ស្វែងរក​មើលថា​នឹងមាន​រឿង​អ្វី​កើតឡើង​នៅពេល​លេប​ស្ករ​កៅស៊ូ​។​

​    ​ដំបូង ស្ករ​កៅស៊ូ​នឹងត្រូវ​បាន​កិន​រំលាយ​។ Lisa បកស្រាយ​ថា​បំពង់​រំលាយ​អាហារ​របស់​អ្នក​គឺ​ខ្លាំង​គ្រប់គ្រាន់​ដើម្បី​រំលាយ​ស្ករ​កៅស៊ូ ហើយ​អាស៊ីត​ធម្មតា​និង​អង់​ហ្ស៊ី​ម​របស់​អ្នកនឹង​រំលាយ​វា​។​

​    ​មាន​ភាពខុសគ្នា​តែមួយ​ប៉ុណ្ណោះ​គឺ​ត្រង់​សារធាតុ​គីមី​នៃ​ស្ករ​កៅស៊ូ មានន័យថា​វា​មិន​រលាយ​ទាំងស្រុង​នោះទេ ហើយ​ស្ករ​កៅស៊ូ​មិន​ស្រូប​ចូលទៅក្នុង​ពោះវៀនតូច​ដូច​អាហារ​ដែល​ទទួលទាន​នោះទេ​។ ប៉ុន្ដែ​វា​មិន​មានន័យថា​វា​ជាប់​ក្នុង​ខ្លួន​របស់​អ្នក​រហូត​នោះទេ​។​

​    ​ស្ករ​កៅស៊ូ​ដែល​មិន​រលាយ​នឹង​រុំ​ជាមួយ​អាហារ​ផ្សេងៗ ហើយ​វា​នឹង​ប្រែ​ទៅជា​លាមក​ធម្មតា​របស់​អ្នក​។​

​    ​ហានិភ័យ​ដែល​អាច​កើតឡើង​នៅពេល​លេប​ស្ករ​កៅស៊ូ​គឺ​ការ​លេប​បំណែក​ស្ករ​កៅស៊ូ​នោះ​ធំ​ពេក​តាមរយៈ​បំពង់ក ដែល​នឹង​ធ្វើឱ្យ​អ្នក​ពិបាក​ដកដង្ហើម​។​

​    ​វា​ពិតជា​សុវត្ថិភាព​ក្នុងការ​លេប​ស្ករ​កៅស៊ូ ប្រសិនបើ​វា​មិនធំ​ពេក​។ ហេតុ​អីយើ​ង​ត្រូវ​ខ្លាច​លេប​ស្ករ​កៅស៊ូ ឬក៏​ច្រឡំ​លេប​? ពេលនេះ​អ្នកដឹង​ហើយ​អ៊ីចឹង​មិនត្រូវ​ខ្លាច​ទៀត​ទេ ពេល​ច្រឡំ​លេប​ដោយ​ចៃដន្យ​នោះ​៕

adverise with khmeread
ប្រភព៖ Metro

អ្នកនឹងចូលចិត្ត

មតិយោបល់