adverise with khmeread 13499744 996990510415864 267018879 o

ស្ត្រី​យោធា​ម្នាក់​ត្រូវ​ជន​មិន​ស្គាល់មុខ​យក​កាំបិត​ចុង​ស្រួច​ចាក់​ពីក្រោយ​បណ្តាលឱ្យ​ស្លាប់​ភ្លាមៗ​(មានវីដេអូ)

    ភ្នំពេញ ​៖ ស្ត្រី​យោធា​ស័ក្តិ​៣​ម្នាក់​ត្រូវ​ជន​មិន​ស្គាល់មុខ​យក​កាំបិត​ចុង​ស្រួច​ចាក់​ពីក្រោយ​បណ្តាល​ឱ្យ​​ស្លាប់​ភ្លាមៗ​នៅ​កន្លែង​កាលពី​វេលា​ម៉ោង​១០ និង​១០​នាទី​ព្រឹក​ថ្ងៃទី​២១ ខែមិថុនា ឆ្នាំ​២០១៦ ស្ថិតនៅ​មុខផ្ទះ​លេខ​២១ យីហោ​វី​ង​ដូរ​លុយ ពេជ្រ ជូ​ល​លី ផ្លូវ​លេខ​២១៩ កែង​១៥៦ ក្នុង​សង្កាត់​ផ្សារ​ដេប៉ូ​១ ខណ្ឌទួលគោក​។​

    ប្រភពព័ត៌មាន​បានឱ្យ​ដឹងថា ជនរងគ្រោះ​ឈ្មោះ លី ដាវី អាយុ​៣៦​ឆ្នាំ មានមុខរ​បរជា​មន្ត្រី​យោធាស័ក្តិ​៣ អគ្គ​យោធ​សេវា នៃ​ក្រសួងការពារជាតិ ស្នាក់​នៅផ្ទះ​ល​រខ​៣២ ផ្លូវ​១៦២ ក្រុម​១២ សង្កាត់​ផ្សារ​ដេប៉ូ​១ ខណ្ឌទួលគោក មាន​ស្រុកកំណើត​នៅ ឃុំ​កំពង់ស្វាយ ខេត្តកំពង់ធំ​។​

    សាក្សី​នៅ​កន្លែងកើតហេតុ​បានឱ្យដឹងថា មុនពេល​កើតហេតុ​គេ​ឃើញ​ស្ត្រី​រងគ្រោះ​បាន​ដើរ​លើ​ដងផ្លូវ​តែម្នាក់ឯង​ទើប​ត្រឡប់​មកពីផ្សារ។​

    មួយសន្ទុះ​ក្រោយមក​ស្រាប់​តែមាន​បុរស​មាឌធំ​អាយុ​ប្រហែល​ជាង​៤០​ឆ្នាំ ជិះ​ម៉ូតូ​ម៉ាក ​Click ពណ៌​ឈាមជ្រូក បាន​ដក​កាំបិត​មុខស្រួច ​(កាំបិត​ចិតបន្លែ​) ចាក់ទៅលើ​ស្ត្រី​រងគ្រោះ​ពីក្រោយ​បណ្តាល​ឱ្យ​ដួល​ស្លាប់​មួយ​រំពេច ហើយ​ជនសង្ស័យ​ក៏​ជិះ​ម៉ូតូ​គេចខ្លួន​បាត់ទៅ​។​

    នៅ​កន្លែងកើតហេតុ​សមត្ថកិច្ច​សង្ស័យថា ករណីនេះ​ជា​ករណី​គំនុំ។ សមត្ថកិច្ច​កំពុង​ត្រួតពិនិត្យ​សាកសព​និង​ស្រាវជ្រាវ​រកមុខ​ជនសង្ស័យ​៕


 

adverise with khmeread

មតិយោបល់