adverise with khmeread Index

ប្រទះឃើញ​សព​អណ្ដែត​ទឹក​២នាក់

    ភ្នំពេញ​៖ មាន​សាកសព​មនុស្ស​២​នាក់​ត្រូវបាន​គេ​ប្រទះឃើញ​នៅ​លង់ទឹក​ស្លាប់​ដាច់ដោយឡែក​ពីគ្នា​កាលពី​ម្សិល​ម៊ិ​ញ ។​
    ១-​នៅវេលា​ម៉ោង​១០​ព្រឹក​ថ្ងៃទី​២៦​ខែធ្នូ ឆ្នាំ​២០១៥ ចំណុច​ទន្លេសាប មុខ​សាលសន្និសីទ​ចតុមុខ ផ្លូវ​ព្រះស៊ីសុវត្ថិ ភូមិ​១ ក្រុម​៤៧ សង្កាត់​ជ័យជំនះ ខណ្ឌ ដូនពេញ គេ​ប្រទះឃើញ​សព​អណ្ដែត​ទឹក សព​ឈ្មោះ​មិន​ស្គាល់​ភេទ​ប្រុស អាយុ​ប្រហែលជា​២៩​ឆ្នាំ ពាក់​អាវដៃវែង ពណ៌​លឿង​ឆ្នូត​ការ៉ូ​ក្រហម ខោ​ខូវប៊យ​ពណ៌​ខៀវ កម្ពស់​ប្រហែល​១,៧៣​ម៉ែត្រ​។​
    បន្ទាប់មក​សមត្ថកិច្ច​ចម្រុះ​បាន​ចុះ​ពិនិត្យ​និង​ធ្វើ​កោសល្យ​ពិច័យ រួច​សន្និដ្ឋានថា បុរស​នេះ​ស្លាប់​ដោយសារ​លង់ទឹក ហើយ​ដឹក​សព​ទៅ​បូជា​នៅ​វត្ត​ទួល​សង្កែ ខណ្ឌ​ឫស្សីកែវ​។​
    ២-​នៅវេលា​ម៉ោង​១០​និង​៤៥​នាទី ថ្ងៃទី​២៦ ខែធ្នូ ឆ្នាំ​២០១៥ ចំណុច​ក្នុង​ស្រះ​ទឹក​ស្លែ ភូមិ​នង​ណ​យ សង្កាត់​នង​ណ​យ ខណ្ឌដង្កោ មាន​ករណី​ក្មេង​លង់ទឹក​ស្លាប់​ម្នាក់ទៀត​។​សព​ឈ្មោះ ចាន់ វណ្ណ​បុត្រ ភេទ​ប្រុស អាយុ​៣​ឆ្នាំ ស្នាក់នៅ​ភូមិ​កើតហេតុ​ខាងលើ​។​
    តាម​ការសន្និដ្ឋាន​រប​ស់​សមត្ថកិច្ច​ជំនាញ​ខណ្ឌ គឺ​សព​ស្លាប់​ដោយ​លង់ទឹក​ពិតប្រាកដ​មែន​។ មូលហេតុ​ក្មេង​រអិល​ជើង​ធ្លាក់​ចូលក្នុង​ស្រះ​បណ្ដាល​ឲ្យ​ស្លាប់​តែម្ដង​។ សព​ប្រគល់ជូន​ក្រុមគ្រួសារ​ធ្វើបុណ្យ​តាម​ប្រពៃណី​៕​

adverise with khmeread

មតិយោបល់