adverise with khmeread 3587856000000578 0 image a 7 1466548290768

រកឃើញ​មូលហេតុ​ដែល Mark Zuckerberg បិត​ស្កុ​ត​លើ​កាមេរ៉ា​និង​បំពង់​ស្រូប​សំឡេង​លើ​កុំព្យូទ័រ​

    ​ស្ថាបនិក Facebook លោក Mark Zuckerberg បង្ហាញ​ពី​ការព្រួយបារម្ភ​អំពី​គេ​តាមដាន​ខ្លួន​។​

​    ​រូបភាព​មួយ​ដែល​គាត់​បាន​ចែករំលែក​ដើម្បី​អបអរ​អ្នកប្រើប្រាស់​សកម្ម ៥០០ លាន​នាក់​នៅលើ Instagram បង្ហាញ​ពី​កាមេរ៉ា​និង​រន្ធ​ស្រូប​សំឡេង​នៅលើ​កុំព្យូទ័រ Macbook បិត​ទៅនឹង​បំណែក​ស្កុ​ត​។​

​    ​ក្នុង​រូបភាព​ផុស​កាល​ពីថ្ងៃ​អង្គារ លោក Zuckerberg ត្រូវបាន​គេ​ប្រទះឃើញ​ញញឹម​និង​ពាក់​អាវយឺត​ប្រផេះ​និង​ខោ​ប៊ូ​យ​ខៀវ​ង​ងឹ​ង​ផងដែរ​។​

​    ​បន្ទាប់ពី​ការ​ផុស​រូបភាព​នេះ អ្នកលេង​អ៊ី​ន​ធឺ​ណេ​ត​មួយចំនួន​បាន​ប្រទះឃើញ​ចំណុច​ត្រង់​កាមេរ៉ា​និង​បំពង​ស្រូប​សំឡេង​នៅលើ​កុំព្យូទ័រ Macbook បិត​ទៅនឹង​ស្កុ​ត​នៅលើ​តុ​របស់គាត់​។​

​    ​វា​គឺជា​ពាក្យ​ចចាមអារ៉ាម​ដែលថា​ជំនាញ Hacker អាច​គ្រប់គ្រង​កាមេរ៉ា​ខាងមុខ​នៅលើ​កុំព្យូទ័រ​យួរដៃ​បាន នៅពេល​ពួកគេ​មិនបាន​ប្រុងប្រយ័ត្ន​។​

​    ​នេះ​សបញ្ជាក់​ឱ្យឃើញថា​មហាសេដ្ឋី ៣៥,៧ ពាន់​លាន​ដុល្លារ​លោក Zuckerberg កំពុង​ព្យាយាម​បង្ការ​រឿងនេះ​ដោយ​បិទ​ស្កុ​ត​នៅលើ​កុំព្យូទ័រ​យួរដៃ​របស់គាត់​ដែរ​។​

​    ​នេះ​មិនមែនជា​លើកដំបូង​នោះទេ ដែល​ពាណិជ្ជករ​រូបនេះ​បាន​ព្រួយបារម្ភ​ពី​សុវត្ថិភាព​និង​សិទ្ធិ​ឯកជន​របស់ខ្លួន​។​

​    ​កាលពី​ខែកុម្ភៈ​គាត់​ត្រូវបាន​ថត​បាន ពេល​ចេញទៅ​ហាត់ប្រាណ​ខាងក្រៅ ខណៈដែល​គាត់​ធ្វើដំណើរ​មួយ​ក្នុង​ទីក្រុង​បែរ​ឡាំង​យ៉ាងហោចណាស់​អ្នកការពារ​ប្រាំ​នាក់​អម​រូបគាត់​៕

adverise with khmeread
ប្រភព៖ dailymail

អ្នកនឹងចូលចិត្ត

មតិយោបល់