adverise with khmeread 1

ករណីនេះ​ទើបតែ​មាន​ទេ​! ស្ត្រី​ពីរ​នាក់​ខ្វាក់ភ្នែក​ដោយសារ​ស្មា​ត​ហ្វូ​ន​

    ​គ្រូពេទ្យ​បាន​និយាយថា ស្ត្រី​ពីរ​នាក់​បាន​ខ្វាក់​បណ្តោះអាសន្ន​បន្ទាប់ពី​ចុច​ទូរស័ព្ទ​របស់​ពួកគេ​នៅក្នុង​ទី​ងងឹត ហើយ​ពួកគេ​ក៏បាន​ផ្ញើ​សារ​ដល់​អ្នក​ដទៃទៀត​ចំពោះ​បាតុភូត​មិន​ប្រក្រតី​មួយ​នេះ​។​

​    ​នៅក្នុង​ព្រឹត្តិប័ត្រ​ព័ត៌មាន New England Journal of Medicine គ្រូពេទ្យ​បានបង្ហាញ​ព័ត៌មាន​លម្អិត​អំពី​ករណី​ស្ត្រី​ពីរ​នាក់​ដែលមាន​អាយុ ២២ និង ៤០ ដែល​ទទួល​បទពិសោធ​ន៍ "​ខ្វាក់​ដោយសារ​ស្មា​ត​ហ្វូ​ន​រយៈពេល​ខ្លី​" ជាច្រើន​ខែ​។​

​    ​ស្ត្រី​ទាំង​ពីររូប​បាន​ត្អូញត្អែរ​ចំពោះ​ការមើល​មិនឃើញ​បណ្តោះអាសន្ន​ជា​ញឹកញាប់​រយៈពេល ១៥ នាទី​ឡើង​។ ពួកគេ​ឆ្លុះ​ម៉ាស៊ីន MRI និង​ការធ្វើ​តេស្ត​លើ​បេះដូង ប៉ុន្តែ​ក្រុមគ្រូពេទ្យ​រក​មិនឃើញ​បញ្ហា​ខុស​ប្រក្រតី​ទេ​។ ប៉ុន្តែ​បន្ទាប់ពី​ចូល​ពិនិត្យ​ជាមួយ​អ្នកជំនាញ​ភ្នែក អាថ៌កំបាំង​នេះ​ត្រូវបាន​ដោះស្រាយ​។ 

​    ​លោកគ្រូ​ពេទ្យ Gordon Plant នៅ​មន្ទីរពេទ្យ Moorfield's Eye Hospital ក្នុង​ទីក្រុង​ឡង​ដ៍​បាន​និយាយថា "​ខ្ញុំ​បាន​សួរ​ពួកគេ​ថា​តើ​អ្នក​បានធ្វើ​អ្វី​ឱ្យ​ប្រាកដ​នៅពេល​រឿងនេះ​បានកើត​ឡើង​?"​។​

​    ​គាត់​បាន​ពន្យល់ថា ស្ត្រី​ទាំងពីរ​ជាធម្មតា​មើល​ទូរស័ព្ទ​របស់​ពួកគេ​ជាមួយ​ភ្នែក​ម្ខាង​ខណៈ​ដេក​នៅលើ​គ្រែ​របស់​ពួកគេ​នៅក្នុង​ទី​ងងឹត ហើយ​ភ្នែក​ម្ខាង​ទៀត​បិទ​ជិត​ដោយ​ភួយ​។ គាត់​បាន​ពន្យល់​ទៀតថា "​ដូច្នេះ​អ្នកមាន​ភ្នែក​ម្ខាង​ប៉ះ​នឹង​ពន្លឺ​ព្រោះ​វា​មើល​ទៅនឹង​ទូរស័ព្ទ​និង​ភ្នែក​ម្ខាង​ទៀត​នៅ​ផ្នែក​ងងឹត​"​។​

​    ​នៅពេល​ពួកគេ​បិទ​ទូរស័ព្ទ ពួកគេ​មិនអាច​មើលឃើញ​ជាមួយ​ភ្នែក​មើល​ទូរស័ព្ទ​នោះទេ ព្រោះ​វា​ត្រូវការ​ពេល​ជាច្រើន​នាទី​ដើម្បី​ធ្វើឱ្យ​ស្មើភាព​គ្នា​នឹង​ភ្នែក​ដែល​បាន​ស្ថិតក្នុង​ទី​ងងឹត​។​

​    ​គាត់​បាន​និយាយទៀតថា ការ​ខ្វាក់​បណ្តោះអាសន្ន​នេះ​មិន​បង្ក​គ្រោះថ្នាក់​នោះទេ ហើយ​យើង​អាច​ចៀសផុត​បាន​ប្រសិនបើ​មើល​ទូរស័ព្ទ​ជាមួយ​ភ្នែក​ទាំង​គូ​៕

adverise with khmeread
ប្រភព៖ Independent

អ្នកនឹងចូលចិត្ត

មតិយោបល់