adverise with khmeread Ronnie 2

Ronnie Wood ជួល​មេដោះ​ចំនួន​៤​នាក់ ដើម្បី​មើលថែ​កូនភ្លោះ​របស់លោក​

​    ​តារាចម្រៀង​រ៉ក់ Ronnie Wood បាន​ជួល​មេដោះ​បួន​នាក់ មក​មើលថែ​កូនភ្លោះ​របស់លោក​នៅពេល​យប់ ដើម្បី​ឲ្យ​លោក​នៅមាន​អារម្មណ៍​ស្រស់ថ្លា​នៅពេល​ធ្វើដំណើរ​ទៅ​ស្ទូ​ឌី​យោថ​តបទ​ចម្រៀង​។​

​    ​Ronnie Wood វ័យ​៦៩​ឆ្នាំ មមាញឹក​ធ្វើ​ការងារ​ជាមួយនឹង​ក្រុម​ចម្រៀង Rolling Stones ហើយ​ចង់​ធ្វើ​ឲ្យ​ប្រាកដថា កូនភ្លោះ​ស្រី​ទាំងពីរ​នេះ​នឹងមិន​រំខាន​ច្រើន​ដល់​ដំណេក​របស់លោក​។​

​    ​លោក​និង​ភរិយា Sally វ័យ​៣៨​ឆ្នាំ​បាន​ស្វាគមន៍​កូនស្រី Alice Rose និង Gracie Jane កាលពី​ខែ​មុន​។ អ្នកលេង​ហ្គី​តា​រូបនេះ​បាន​និយាយថា “​ខ្ញុំ​មាន Sally ក្រុមគ្រួសារ​និង​កូនស្រី​តូច​ដ៏​ស្រស់ស្អាត​ទាំងពីរ​”​។ 

​    ​ប្រភព​ជាច្រើន​និយាយថា មេដោះ​បួន​នាក់​គឺ​ពិតជា​សំខាន់​ណាស់ ដោយសារ​លោក Ronnie ត្រូវធ្វើ​ការងារ​ផងដែរ​។​

​    ​កូនភ្លោះ​ទាំងពីរ​នេះ​គឺជា​កូន​ទី​៥​និង​ទី​៦​របស់លោក ប៉ុន្តែ​ជា​កូន​ដំបូង​ជាមួយ​នាង Sally ដែល​លោក​បាន​រៀបការ​ជាមួយ​កាលពី​ឆ្នាំ​២០១២​។​

​    ​ពួកគេ​ទើបនឹង​មកដល់​គេហដ្ឋាន​ក្នុង​ទីក្រុង​ឡុង​ដ៍​កាលពី​សប្តាហ៍​មុន​ជា​លើកដំបូង ជា​លក្ខណៈ​គ្រួសារ​៕

adverise with khmeread
ប្រភព៖ Mirror

មតិយោបល់