adverise with khmeread B628a8a7 d10e 44ae 825d b23f8f7594c6

បង្ក្រាប​៣​លើក​ឃាត់​មនុស្ស​ប្រុស​-​ស្រី​ទាំង​ហ្វូង​ជាមួយ​ថ្នាំញៀន​៣១​កញ្ចប់​

    សៀមរាប ៖ ​កម្លាំង​កងរាជអាវុធហត្ថ​ខេត្តសៀមរាប បានធ្វើ​ប្រតិបត្តិ​ការបង្ក្រាប​ករណី​ពាក់ព័ន្ធ​ជាមួយ​សារធាតុ​ញៀន​ចំនួន​៣​លើក​ជាប់ៗ​គ្នា ដោយ​ធ្វើការ​ឃាត់ខ្លួន​មនុស្ស ប្រុស​-​ស្រី ​ចំនួន១៣​នាក់ ស្ថិតនៅ​ចំណុច ភូមិ​ថ្នល់ សង្កាត់​ស្រ​ង៉ែ ក្រុង​សៀមរាប ចំនួន​០២​លើក និង​ភូមិ​ចំបក់​ហែរ ឃុំ​ពួក ស្រុក​ពួក ខេត្តសៀមរាប​ចំនួន​០១​លើក​កាលពី​ថ្ងៃទី​២៤ ខែមិថុនា ឆ្នាំ​២០១៦ ហើយនឹង​ត្រូវ​បញ្ជូនទៅ​តុលាការ​នា​ថ្ងៃស្អែក​នេះ។​

    ប្រតិបត្តិការ​ខាងលើនេះ កម្លាំង​បានធ្វើ​ការចាប់យក​វត្ថុតាង​មួយចំនួន​រួមមាន​៖ ១. ម្សៅ​ក្រាម​ពណ៌​ស​ថ្លា ចំនួន​៣១​កញ្ចប់ ដែលមាន​ទម្ងន់​ស្មើ ៤១.១៤​ក្រាម​, ២. ទូរស័ព្ទដៃ ចំនួន​១៥​គ្រឿង ​និង​៣. ជញ្ជីង​ចំនួន​០១​គ្រឿង​។

    ជនសង្ស័យ និង​វត្ថុតាង ត្រូវ​កម្លាំង​កងរាជអាវុធហត្ថ​ខេត្តសៀមរាប​បាន​កសាង​សំណុំរឿង ដើម្បី​ចាត់ការ​បន្ត​តាម​នីតិវិធី​៕

 

adverise with khmeread

មតិយោបល់