1

តារា​តម្លៃ​ខ្លួន​ថ្លៃ Lee Min Ho ប្រឡូក​រឿង​បាញ់បោះ​ជាមួយ​ចិន ធ្វើឱ្យ​អ្នកគាំទ្រ​កើនឡើង​រឹតតែ​ច្រើន​

​    ​ក្រុម​អ្នកគាំទ្រ​ដ៏​ធំ​មួយ​ហ្វូង​បាន​ប្រមូល​ផ្តុំគ្នា​នៅឯ​កម្មវិធី​ផ្សព្វផ្សាយ​មួយ​សម្រាប់​ខ្សែភាពយន្ត​ចិន​ដែល​នឹង​ត្រៀម​ចាក់​បញ្ចាំង​ខាងមុខ​គឺ​រឿង Bounty Hunter ដែលមាន​ការចូលរួម​សម្តែង​ដោយ​តារា​តម្លៃ​ខ្លួន​ថ្លៃ​របស់​កូរ៉េ Lee Min Ho​។​

​    ​ក្នុងអំឡុង​ថ្ងៃទី ២២ ដល់ ២៤ កម្មវិធី​ផ្សព្វផ្សាយ​ហៅ Road Show របស់ Lee Min Ho បាន​ចាប់យក​ទីតាំង​ក្នុង​ទីក្រុង​ប៉េកាំង ស៊ី​អាន និង​ទីក្រុង​ហ្វូ​ចូ​វ​។ ហ្វូងមនុស្ស​រាប់សិប​ម៉ឺន​នាក់​បាន​ស្ថិតនៅក្នុង​កម្មវិធី​មួយ​នេះ​ដើម្បី​ចំណាយពេល​ជាមួយនឹង​តារា​សម្តែង​ដ៏​ល្បី​របស់​កូរ៉េ​រូបនេះ ដែល​ពួកគេ​មានឱកាស​ដើម្បី​សួរ​សំណួរ​អំពី​ខ្សែភាពយន្ត​ដែល​នឹង​ត្រៀម​ចាក់ផ្សាយ ខណៈដែល​ពួកគេ​បាន​លេងល្បែង​កម្សាន្ត​នានា​នៅក្នុង​ព្រឹត្តិការណ៍​ដ៏​ពិសេស​នេះ​ផងដែរ​។​

​    ​Lee Min Ho ក៏បាន​ចំណាយពេល​សម្រាប់​ពិធី​ខួបកំណើត​របស់ខ្លួន​ជាមួយនឹង​បណ្តា​ប្រិយមិត្ត​របស់គាត់​នៅ​ថ្ងៃទី ២២​កន្លងទៅ​ផងដែរ​។​

​    ​ការផ្សព្វផ្សាយ​ដ៏​ពិសេស​នឹង​បន្តដំណើរ​របស់ខ្លួនរ​ហូត​មកដល់​ថ្ងៃនេះ​ផងដែរ នៅឯ​ទីក្រុង​ក្វាង​ចូ​វ និង​ឆុង​ឈី​ង​។ Bounty Hunter នឹង​ត្រៀម​ចាក់​បញ្ចាំង​ជា​ផ្លូវការ​ដំបូង​ក្នុងប្រទេស​ចិន នៅ​ថ្ងៃទី​១ ខែកក្កដា​ខាងមុខនេះ​៕

ប្រភព៖ Allkpop

មតិយោបល់