adverise with khmeread 92caf3f1 6466 4cd6 9cf0 c7198c9d540b

បញ្ជូន​ជនសង្ស័យ​បាន​២​នាក់​ពាក់ព័ន្ធ​ជួញដូរ​គ្រឿងញៀន​ស្អែក​នេះ​

    ភ្នំពេញ ៖ កម្លាំង​ប៉ូលិស​ខណ្ឌ​ច្បារអំពៅ សហការ​ជាមួយ​ប៉ូលិស​ការិយាល័យ​ប្រឆាំង​គ្រឿងញៀន​រាជធានី​ភ្នំពេញ ដឹកនាំ​ដោយ​លោក​ គឹម ឆេង​ប៊ុន ក្រឡាបញ្ជី​នៃ​អយ្យការ អម​សាលាដំបូង​រាជធានី​ភ្នំពេញ ចុះបង្ក្រាប​ជាក់ស្តែង ករណី ជួញដូរ​ដោយ​ខុសច្បាប់​នូវ​សារធាតុ​ញៀន នៅ​ចំណុច​ផ្ទះ​លេខ​៩៨ ផ្លូវ៦៤២ ភូមិ​ដើម​អំពិល សង្កាត់ច្បារអំពៅ​ទី​១ ខណ្ឌ​ច្បារអំពៅ​ថ្ងៃទី​២៤ ខែមិថុនា ឆ្នាំ​២០១៦ ម៉ោង​១២​និង​៣០​នាទី ហើយ​បញ្ជូនទៅ​តុលាការ​ស្អែក​នេះ។​

    ប៉ូលិស​និយាយថា ជនសង្ស័យ​០២​នាក់ ១ -​ឈ្មោះ ណា អូន ហៅ ហួច ភេទ​ស្រី អាយុ ៤៣​ឆ្នាំ ជនជាតិខ្មែរ មុខរបរ​លក់​តាំង​ឆាយ ស្នាក់នៅ​ផ្ទះកើតហេតុ​ និង​២ -​ឈ្មោះ គុយ សុភា​រុន ភេទប្រុស អាយុ​២១​ឆ្នាំ ជនជាតិខ្មែរ មុខរបរ​មិន​ពិត ប្រាកដ ស្នាក់នៅ​ផ្ទះកើតហេតុ​។​

    ដកហូត​វត្ថុតាង​រួមមាន ៖ -​ក្រាម​ពណ៌​ស​ថ្លា (​សង្ស័យ​ជា​ថ្នាំញៀន​) ០១​កញ្ចប់​ថង់​តូច និង​ជញ្ជីង​សម្រាប់​ថ្លឹង​ថ្នាំញៀន ០១​គ្រឿង។​

    បច្ចុប្បន្ន ជនសង្ស័យ​ទាំង​០២​នាក់ រួម ​និង​វត្ថុតាង​ប្រគល់ជូន​ប៉ូលិស​ការិយាល័យ​ប្រឆាំង​គ្រឿង ញៀន រាជធានី​ភ្នំពេញ​ចាត់ការ​បន្ត ហើយនឹង​បញ្ជូនទៅ​តុលាការ​នៅ​ថ្ងៃស្អែក​នេះ​៕​

adverise with khmeread

មតិយោបល់