adverise with khmeread 1aff1946 5b6d 4c54 8737 3257da3cd15d

បុរស​ជនបរទេស​បើករថយន្ត ​LEXUS ​បុក​រនាំង​ដែក​ចែក​ទ្រូង​បាក់​អស់​៣​ផ្ទាំង​

    ភ្នំពេញ ៖ បុរស​ជន​ជាតិចិន​ស្រវឹងស្រា​ជោកជាំ​ម្នាក់ បើករថយន្ត​មួយគ្រឿង​ម៉ាក LEXUS RX 300 ក្នុង​ល្បឿន​លឿន​ជ្រុល​ទៅបុក​រនាំង​ដែក​ចែក​ទ្រូងផ្លូវ​បាក់​អស់​៣​ផ្ទាំង រថយន្ត​បែក​កង់​មុខ​ទៅមុខ​លែងរួច​។​

    ហេតុការណ៍​នេះ​កើតឡើង​កាលពី​វេលា​ម៉ោង១២ ​និង​៥០​នាទី​យប់​រំលង​អា​ធ្រា​ត្រ​ឈានចូល​ថ្ងៃទី២៩ ខែមិថុនា ឆ្នាំ២០១៦ នៅតាម​បណ្តោយ​មហាវិថី​សហព័ន្ធរុស្ស៊ី ខាងកើត​ព្រលានយន្តហោះ​ពោធិចិនតុង ស្ថិត​ភូមិ​តា​ងួន សង្កាត់​កា​កាប ខណ្ឌ​ពោធិ​សែន​ជ័យ​។​

    តាម​សាក្សី​ពី​កន្លែង​កើត បានឱ្យដឹងថា មុនពេល​កើតហេតុ​គេ​ឃើញ បុរស​ជនជាតិ​ចិន​ម្នាក់ បើករថយន្ត ​LEXUS RX 300 ពណ៌​ស្ករ​មួយគ្រឿង​ពាក់​ស្លាក​លេខ 2G-2842 តាម​មហា​វ​ថី​សហព័ន្ធរុស្ស៊ី​ទិសដៅ​ពី​កើ​តទៅ​លិច​ក្នុង​ល្បឿន​លឿន។​

    លុះ​ខណៈ​មកដល់​ចំណុចកើតហេតុ ដោយសារតែ​ស្រវឹងស្រា​មើលផ្លូវ​មិន​ច្បាស់ ហើយ​កន្លែងកើតហេតុ​ជា​កន្លែង​ងងឹត​ថែមទៀត ទើប​រថយន្ត​រេ​ចង្កូត​ទៅបុក​រនាំង​ដែក​ទាំង​កម្រោល​បណ្តាលឱ្យ​បាក់​រាប​អស់​ចំនួន​៣​ផ្ទាំង។​

    ចំណែក​រថយន្ត​រង​ការ​ខូ​ត​ខាត​និង​បែក​កង់​ដាច់​ក្រឡេក​ង់​មុខ​ខាងឆ្វេង បើក​រត់​ចេញពី​កន្លែងកើតហេតុ​ជាង​១០០​ម៉ែត្រ ទើប​រថយន្ត​ទៅមុខ​លែងរួច ក៏ត្រូវ​សមត្ថកិច្ច​ឃាត់​អ្នកបើកបរ​និង​រថយន្ត​នៅ​កន្លែងកើតហេតុ​។​

    ក្រោយពេល​កើតហេតុ ប៉ូលិស​ជំនាញ​ចរាចរណ៍​ក្រុង មក​ស្ទួ​ច​នាំយក​រថយន្ត​បង្ក​ និង​ឃាត់ខ្លួន​អ្នកបើកបរ​ទៅ​ទុក​នៅ​ការិយាល័យ​ចរាចរណ៍​ផ្លូវគោក ដើម្បី​ធ្វើការ​ដោះស្រាយ​៕​

adverise with khmeread

មតិយោបល់