4c6e5edc 1f0a 4dcf bc9d 0a4f158ad2c3

រវល់​ដេក​ជាមួយ​សង្សារ​ត្រូវ​ចោរលួច​ម៉ូតូ ប៉ូលិស​ចាប់បាន​៣​នាក់​

    ភ្នំពេញ ៖ ពួកចោរ​លួច​យក​ម៉ូតូ​៣​នាក់​ត្រូវបាន​ប៉ូលិស​ខណ្ឌទួលគោក​និង​មានជ័យ​ឃាត់ខ្លួន​ជា​បន្តបន្ទាប់​នា​ថ្ងៃទី​៣០​មិថុនា បន្ទាប់ពី​បានធ្វើ​សកម្មភាព​លួច​កាលពី​ថ្ងៃទី២៩ មិថុនា ឆ្នាំ២០១៦ វេលា​ម៉ោង​២៣​ និង​៣០​នាទី យប់​នៅ​ចំណុច​ក្នុង​ផ្ទះជួល​គ្មាន​លេខ ផ្លូវលំ ក្រុមទី​០៧ ភូមិដំណាក់​ធំ សង្កា​ត់ ស្ទឹងមានជ័យ ខណ្ឌមានជ័យ​។​

    ប៉ូលិស​និយាយថា ជនសង្ស័យ​ចំនួន០៣នាក់ ទី​១-​ឈ្មោះ ធី បញ្ញា ហៅណេង ភេទប្រុស អាយុ១៨ឆ្នាំ  ជនជាតិខ្មែរ ស្នាក់នៅ​ផ្ទះជួល ផ្លូវលំ ភូមិដំណាក់​ធំ​១ សង្កាត់ ស្ទឹងមានជ័យ ខណ្ឌមានជ័យ រាជធានី​ភ្នំពេញ មុខរបរមិន​ប្រាកដ (​ឃាត់ខ្លួន​), ​ទី​២-​ឈ្មោះ សម្បត្តិ ហេង ភេទប្រុស អាយុ២៤ឆ្នាំ ជនជាតិខ្មែរ ស្នាក់​នៅផ្ទះ​គ្មាន​លេខ ផ្លូវលំ សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរមិន​ប្រាកដ (​ឃាត់ខ្លួន​) ​និង​ទី​៣-​ឈ្មោះ ម៉ិច កុសល ហៅសល់ ភេទប្រុស អាយុ៣២ឆ្នាំ ជនជាតិ ខ្មែរ ស្នាក់នៅ​ផ្ទះជួល ផ្លូវលំ សង្កាត់ស្ទឹងមានជ័យ ខណ្ឌមានជ័យ រាជធានី​ភ្នំពេញ មុខរបរ កម្មករសំណង់ (​ឃាត់ខ្លួន​)​។​

    ចំណែក​ជនរងគ្រោះ​ឈ្មោះ ស៊ុន រដ្ឋ ភេទប្រុស អាយុ២៤ឆ្នាំ ស្នាក់នៅ​ផ្ទះជួល ផ្លូវលំ ភូមិថ្នល់ទទឹង ឃុំ​ដំណាក់​អំពិល ស្រុកអង្គស្នួល ខេត្តកណ្តាល មុខរបរជាង​ជួសជុល​រថយន្ត។​

    បូលិស​បន្តថា កាលពី​ថ្ងៃទី២៩ មិថុនា ឆ្នាំ២០១៦ វេលា​ម៉ោង​២៣​ និង​៣០​នាទី យប់​នៅ​ចំណុច​ក្នុង​ផ្ទះជួល​គ្មាន​លេខ ផ្លូវលំ ក្រុមទី​០៧ ភូមិ ដំណាក់​ធំ សង្កាត់ស្ទឹងមានជ័យ ខណ្ឌមានជ័យ ជនរងគ្រោះ​ឈ្មោះ ស៊ុន រដ្ឋ បាន​ជិះ​ម៉ូតូ​០១​គ្រឿង​ម៉ាក​ស្គូ​ប​ពី ព​ណ៌ស គ្មាន​ស្លាក​លេខ មកចាក់​សោក​ចត ទុក​មុខ​ផ្ទះជួល​ជាន់​ក្រោម  រួច​ឡើងទៅ​សម្រាក​នៅ​បន្ទប់​ជាន់​លើ​របស់​មិត្តស្រី​ឈ្មោះ ម៉េង ណា​រី។​

    ពេលនោះ​ជនសង្ស័យ​២​នាក់​ឈ្មោះ ធី បញ្ញា ហៅណេង និង ឈ្មោះ សម្បត្តិ ហេង ប្រដាប់​ដោយ​កន្ត្រៃ​០១ មក​ធ្វើ​សកម្មភាព ឆ្កឹះ​កាច់​សោក​ម៉ូតូ​របស់​ជនរងគ្រោះ (​ដោយ​ជនសង្ស័យ​ឈ្មោះ សម្បត្តិ ហេង ជា​អ្នក​មើលផ្លូវ។ ចំណែក​ជនសង្ស័យ​ឈ្មោះ ធី បញ្ញា ជា​អ្នក​ចូល​លួច​) ពេល​លួច​ម៉ូតូ​បាន​ហើយ​ជនសង្ស័យ​ទាំង​០២​នាក់​បាន​ជិះ​យក​ទៅរក​បញ្ចាំ​នៅ​ឃ្លាំង​រំសេវ ដោយ​បោះ​កន្ត្រៃ​ចោល​នៅតាម​ផ្លូវ​។​

    តែ​ពេលមកដល់​ចំណុច​ផ្លូវ​បេតុង សង្កាត់ទឹកល្អក់​៣ ខណ្ឌទួលគោក ជួប​កម្លាំង​អធិការដ្ឋាន​ប៉ូលិស​ខណ្ឌទួលគោក​ឃាត់​ត្រួតពិនិត្យ​ ដោយ​ម៉ូតូ​ជនសង្ស័យ​ជិះ​ដោយ​គ្មាន​កូនសោ​ជាប់​កុងតាក់។ ខណៈនោះ​ជនសង្ស័យ​ឈ្មោះ ធី បញ្ញា បាន​ទូរស័ព្ទ​ហៅ​បក្សពួក​ម្នាក់ទៀត​ឈ្មោះ ម៉ិច កុសល ហៅ សល់ ឱ្យយក​កូនសោ​ម៉ូតូ​០១​មក​ដើម្បី​បន្លំ តែ​ត្រូវ​កម្លាំង​ប៉ូលិស​ខណ្ឌទួលគោក​នាំខ្លួន​ជនសង្ស័យ​ទាំង​០៣​នាក់​យកទៅ​សាកសួរ​។​

    រហូតដល់​វេលា​ម៉ោង​០៨​ និង​១០​នាទី​ថ្ងៃទី​៣០​ មិថុនា​ ឆ្នាំ២០១៦ ទើប​ជនសង្ស័យ​ឈ្មោះ ធី បញ្ញា និង ឈ្មោះ សម្បត្តិ ហេង ព្រមឆ្លើយ​សារភាពថា ម៉ូតូ​ម៉ាក​ស្គូ​ប​ពី ព​ណ៌ស ដែល​ជិះ​នេះ​គឺ​ពួកគេ​បាន​លួច​យក​របស់គេ នៅ​ភូមិ​ដំណាក់​ធំ សង្កាត់​ស្ទឹងមានជ័យ ទើប​កម្លាំង​ប៉ូលិស​ខណ្ឌទួលគោក ​បាន​ប្រគល់​ជនសង្ស័យ​ទាំង​០៣​នាក់ និង វត្ថុតាង​ម៉ូតូ​ម៉ាក​០១​គ្រឿង​ម៉ាក​ស្គូ​ប​ពី ព​ណ៌ស មក​ប្រគល់ឱ្យ​ប៉ុស្តិ៍​ស្ទឹងមានជ័យ​ដើម្បី​ចាត់​បន្ត។​

    លុះ​មកដល់ វេលា​ម៉ោង​០៩​ និង​៤០​នាទី ជនរងគ្រោះ​ឈ្មោះ ស៊ុន រដ្ឋ បានមក​ស្នាក់ការ​ប៉ុស្តិ៍​ដើម្បី​ដាក់ពាក្យ​បណ្តឹង​ពី​ម៉ូតូ​ដែល​បាត់ ស្រាប់តែ​ឃើញ​ម៉ូតូ​ដែល​បាត់​នោះ ក៏បាន​ដាក់ពាក្យ​បណ្តឹង​ឱ្យ​សមត្ថកិច្ច​យើង​ចាត់ការ​តាមច្បាប់​តែម្តង។​

    នៅពេល​ឃាត់ខ្លួន​ជនសង្ស័យ​ទាំង​៣​នាក់​ឈ្មោះ ធី បញ្ញា, ឈ្មោះ​សម្បត្តិ ហេង, ឈ្មោះ ម៉ិច កុសល បាន​ចាប់យក​វត្ថុតាង​៖ ​ម៉ូតូ​០១​គ្រឿង​ម៉ាក​ស្គូ​ប​ពី ព​ណ៌ស លេខ​តួ + លេខ​ម៉ាស៊ីន ៥៣១២៨១៩ គ្មាន​ស្លាក​លេខ ​(​ជា​របស់​ជនរងគ្រោះ​) ​និង​កូនសោរ​ម៉ូតូ​០១, ​ទូរស័ព្ទដៃ​ចាស់​០១​គ្រឿង​(​ជា​មធ្យោបាយ​ជនសង្ស័យ​ធ្វើ​សកម្មភាព​)៕

មតិយោបល់