​ពលរដ្ឋ​អង់គ្លេស​ស្លៀកពាក់​ឈុត​ទាហាន​អង់គ្លេស​សម័យ​សង្គ្រាមលោក​លើក​ទី​១​ដើម្បី​រំលឹក​ទាហាន​ពលី​រាប់ម៉ឺន​នាក់​ដែល​ស្លាប់​ក្រោម​ដៃ​អាល្លឺម៉ង់​

​    ​មនុស្ស​ជាច្រើន​ក្នុង​ឈុត​ទាហាន​សម័យ​សង្គ្រាមលោក​លើកទីមួយ​កំពុង​ជូន​នូវ​កាត​ជាមួយ​ឈ្មោះ​មនុស្ស​ដែល​បាន​បាត់បង់​ជីវិត​នៅក្នុង​សមរភូមិ Somme ក្នុង​ថ្ងៃទី ១ កក្កដា​នេះ​កាលពី ១០០ ឆ្នាំមុន​ដល់​អ្នកដំណើរ​ទាំងឡាយ​ក្នុង​ទីក្រុង​ឡុង​ដ៍ និង​នៅ​តំបន់​ផ្សេងទៀត​ទូទាំង​ចក្រភព​អង់គ្លេស​។​

​    ​ពេញ​ផ្ទៃ​ប្រទេស បុរស​វ័យក្មេង​ជាច្រើន​បាន​ជួបជុំគ្នា​នៅ​ស្ថានីយ​រថភ្លើង​ជាមួយ​ឈុត​ទាហាន​ដែល​ត្រូវបាន​ប្រើប្រាស់​អំឡុង​ស​ង្គ្រោ​ម​លោក​ទីមួយ​។​

​    ​ពួកគេ​បាន​ជូន​គ្នា​នូវ​កាត​ជាមួយ​ឈ្មោះ​មនុស្ស​ដែល​បាន​បាត់​បង់ជីវិត​នៅក្នុង​សមរភូមិ​ដែល​ទាហាន​ទាំង​នោះបាន​ប្រយុទ្ធ​និង​ថ្ងៃខែ​ឆ្នាំ​និង​អាយុ​ដែល​ពួកគេ​បាន​ស្លាប់​។​

​    ​គួរ​បញ្ជាក់ថា នៅថ្ងៃនេះ (១​កក្កដា ១៩១៦) ទាហាន​អង់គ្លេស​ជាង ២០.០០០ នាក់​បាន​ស្លាប់ និង ជាង ៤.០០០ នាក់​រងរបួស​ក្នុង​សមរភូមិ Somme ក្នុងប្រទេស​បារាំង ពេលដែល​ទាហាន​អង់គ្លេស​សម្រុកចូល​សម​រ​ភូមិ​ដែល​កាន់កាប់​ដោយ​ទាហាន​អាល្លឺម៉ង់​នេះ​បាន​រង​នូវ​ការបាញ់រះ​ពី​កាំភ្លើងយន្ត​របស់​អាល្លឺម៉ង់​ស្រោច​ដូច​ទឹកភ្លៀង​៕