adverise with khmeread 2

​រឿង​កំប្លែង The Big Bang Theory អាច​បញ្ចប់​ដំណើរការ​របស់ខ្លួន​ត្រឹម​រដូវ​កាល​ទី ១០

​    ​តើ​រឿង​ភាគ​កំប្លែង​បែប​វិទ្យាសាស្ត្រ The Big Bang Theory ដែល​ល្បី​ប្រចាំ​លោកខាងលិច​និង​ទ្វីបអាស៊ី​អាច​នឹង​បញ្ចប់​ក្នុង​រដូវ​កាល​ទី ១០ របស់ខ្លួន​មែន​ទេ​? ខណៈ​កុងត្រា​របស់​តួឯក​នៅក្នុង​រឿង​ភាគ​នេះ​ជិត​ផុតកំណត់ ការនិយាយ​ពី​មាត់​មួយ​ទៅ​មាត់​មួយ​អំពី​វគ្គ​ចុងក្រោយ​របស់​រឿង​កំប្លែង​នេះ​ឬក៏​រឿង​ដែល​អាចទៅរួច​ណាមួយ​ក្នុងការ​បន្ត​វគ្គ​ជាមួយ​ការ​តម្លើង​ប្រាក់​ឈ្នួល​ដល់​តួ​នីមួយៗ​បានចាប់ផ្តើម​កក្រើក​។​

​    ​តាម​ការរាយការណ៍រ​បស់ Deadline បានឱ្យដឹងថា រឿង​ភាគ​កំប្លែង​ទូរទស្សន៍​ដែល​បាន​ដំណើរការ​អស់​រយៈពេល​ជាច្រើន​ឆ្នាំ​មកនេះ​គឺ The Big Bang Theory និង Modern Family កំពុងស្ថិត​ក្នុងការ​ចរចា​សម្រាប់​វគ្គ​ចុងក្រោយ​ឬក៏​បន្ត​រដូវ​កាល​របស់ខ្លួន ដែល​ទាំងអស់នេះ​គឺ​ស្ថិតនៅលើ​ការចរចា​កុងត្រា​ទាំងស្រុង​។​

​     ជាមួយ​កុងត្រា​របស់​តួ​នីមួយៗ​នឹង​ផុតកំណត់​នៅ​រដូវ​កាល​ក្រោយ (​វគ្គ ១០) តួ​ទាំងនេះ​ត្រូវបាន​រាយការណ៍​ថា នឹង​ទទួល​បានការ​តម្លើង​ប្រាក់​ឈ្នួល​ដ៏​ច្រើន​។​

​    ​នៅក្នុង​កិច្ចសម្ភាសន៍​កាលពីពេល​ថ្មីៗ​នេះ​ជាមួយ​លោក Kunal Nayyar ដែល​ដើរតួ​ក្នុង The Big Bang Theory ជា Raj បាន​បង្ហើប​ឱ្យដឹងពី​ភាពមិនច្បាស់លាស់​បន្ទាប់​ពី​វគ្គ ១០​។

​    ​គាត់​បាន​និយាយថា "​ដើម្បី​ក្លាយជា​កម្មវិធី​កម្សាន្ត​ដែល​ឈរជើង​យូរ​ជាងគេ​នៅ​អាមេរិក​ជាមួយ​រឿង​កំប្លែង​ដែល​ទទួលបាន​ជោគជ័យ​បែបនេះ យើងទាំងអស់គ្នា​ពិតជា​សំណាង​ណាស់​ដែល​បាន​ក្លាយជា​ផ្នែក​នៅក្នុង​រឿងនេះ​ហើយ​យើង​ពិតជា​ស្រឡាញ់​វា​។ ខ្ញុំ​មិន​ប្រាកដថា​នឹងមាន​រឿង​កំប្លែង​ដូច​មួយ​នេះ (The Big Bang Theory) ទៀត​ទេ ព្រោះ​ឧស្សាហកម្ម​ភាពយន្ត​កំពុង​ផ្លាស់ប្តូរ​។ ដូច្នេះ ដើម្បី​ក្លាយជា​ផ្នែក​អ្វីមួយ​ដូច The Big Bang Theory យើងទាំងអស់គ្នា​ដឹងថា វា​ពិតជា​ពិសេស​ណាស់​"​។​

​     នៅពេល​ត្រូវបាន​សួរថា​តើ​វា​អាចជា​រដូវ​កាល​ចុងក្រោយ​ឬ​យ៉ាងណា Nayyar បាន​ប្រាប់ថា "​និយាយ​ដោយស្មោះ ខ្ញុំ​ពិតជា​មិនដឹង​មែន​! វា​អាចជា​វគ្គ​ចុងក្រោយ​ឬក៏​សង្ឃឹមថានឹង​មិនអាច​ទៅ​ចុះ​។ ការសម្រេចចិត្ត​មិន​ស្ថិតនៅលើ​ពួកយើង​នោះទេ ដូច្នេះ​យើង​នឹង​ឃើញ​នូវ​អ្វីដែល​នឹង​កើតឡើង​"៕

 

adverise with khmeread
ប្រភព៖ Deadline

មតិយោបល់