adverise with khmeread Bfe612dc 77fe 4919 8d30 fd235be47f82   copy

ឃាត់​បុរស​២​នាក់​ប៉ុនប៉ង​លួច​

    ភ្នំពេញ ៖ បុរស​ម្នាក់​ត្រូវ​ប៉ូលិស​ឃាត់ខ្លួន​ពីបទ ប៉ុនប៉ង​លួចទ្រព្យសម្បត្តិ​នៅ​យប់​ថ្ងៃទី​០៣​ កក្កដា​ ឆ្នាំ​២០១៦ វេលា​ម៉ោង​០២ ​និង​១០​នាទី​នៅ​ចំណុច​ផ្លូវ​លេខ​៩០៧ ​កែង​ផ្លូវ​៩៩ក្រុមទី​១១ ភូមិ​ទួល​សង្កែ សង្កាត់​ទួល​សង្កែ ខណ្ឌឫស្សីកែវ។ 

    ប៉ូលិស​និយាយថា កម្លាំង​ល្បាត​ប៉ូលិស​ខណ្ឌ​និង​ប៉ុស្តិ៍ បានឃើញ​ម៉ូតូ​០១​គ្រឿង ជិះ​គ្នា​ចំនួន​០២​នាក់ ប្រុស ដោយមាន​ការសង្ស័យ​ក​ម្លាំ​ង​ប៉ូលិស​បាន​សុំ​ការត្រួតពិនិត្យ​ក្នុង​ខ្លួន​ជនសង្ស័យ​រកឃើញ​មាន​វត្ថុតាង និង​ដកហូត​១-​ឧបករណ៍​មួយចំនួន​សម្រាប់ធ្វើ​​សកម្មភាព​កាច់​សោរ​ម៉ូតូ​ និង​២-​ម៉ូតូ​ចំនួ​ន​០១​គ្រឿង ម៉ាក ​HONDA ​ពណ៌​ស លេខ​តួ​និង​លេខ​ម៉ា​ស៊ីន​ M.023-1101109 (​គ្មាន​ស្លាក​លេខ​)​។​

    ប៉ូលិស​បន្តថា ជនសង្ស័យ​ចំនួន​២​នាក់​១-​ឈ្មោះ រំ​មណី រិទ្ធី ហៅ​ធី ភេទ​ប្រុ​ស អាយុ​១៩​ឆ្នាំ ខ្មែរ ទីលំនៅ​សង្កាត់​ទួល​សង្កែ មុខរបរ​មិន​ប្រាកដ ​និង​២-​ឈ្មោះ​ ឈឹម ថា ហៅ ដា ភេទ​ប្រុស ​អាយុ​៣៤​ឆ្នាំ ខ្មែរ ទីលំនៅ​បន្ទប់​ជួល សង្កាត់​ប្ញ​ស្សី​កែវ​។​

    តាម​ចម្លើយសារភាព​ជនសង្ស័យ​ឈ្មោះ រំ​មណី រិទ្ធី ថា​ខ្លួន និង​បក្សពួក​ចំនួន​០២​នាក់​ទៀត​កន្លងមក​លួចបាន​ម៉ូតូ​ចំនួន​៣​គ្រឿង​មកហើយ។ 

    នៅ​ចំពោះមុខ​ជនសង្ស័យ និង​វត្ថុតាង​អធិការដ្ឋាន​បាន​កសាង​សំណុំរឿង​​ប​ញ្ជូ​ញ​ទៅ​សាលាដំបូង​រាជធានី​ភ្នំពេញ អនុវត្តន៍​តាម​នីតិវិធី​ច្បាប់​៕


 

adverise with khmeread

មតិយោបល់