adverise with khmeread 5a164f87 6878 41b3 9477 3c7e262f0bb0

បុរស​ម្នាក់​ត្រូវ​ឃាតករ​បាញ់​ស្លាប់​ពេល​កំពុង​មើល​ទូរទស្សន៍​

    ពោធិ៍សាត់ ៖ បុរស​ម្នាក់​ត្រូវបាន​ឃាតករ​ធ្វើ​សកម្មភាព​បាញ់ប្រហារ​ស្លាប់​ភ្លាមៗ នៅ​កន្លែងកើតហេតុ ខណៈពេល​កំពុង​មើល​ទូរទស្សន៍​ជាមួយ​ប្រពន្ធ​នៅ​យប់​ថ្ងៃទី​០៤ ខែកក្កដា ឆ្នាំ​២០១៦ ស្ថិតក្នុង​ភូមិ​ព្រែក​តា​គង់ ឃុំ​អន្លង់​វិល ស្រុក​កណ្ដៀង ខេត្តពោធិ៍សាត់​។



    ប៉ូលិស​មូលដ្ឋាន​បានឱ្យដឹងថា មុនពេល​កើតហេតុ ជនរងគ្រោះ​ឈ្មោះ ឈឹម យិន អាយុ​៣៤​ឆ្នាំ កំពុងតែ​អង្គុយ​មើល​ទូរទស្សន៍ ជាមួយ​ប្រពន្ធ​ឈ្មោះ ប៊ុត សារុន អាយុ​៣៦​ឆ្នាំ នៅក្នុង​ផ្ទះបាយ ស្រាប់​តែមាន​ឃាតករ​ម្នាក់ បាន​ចូលមក​បាញ់​ជនរងគ្រោះ​ទាំង​កម្រោល បណ្ដោយឱ្យ​ត្រូវរបួស​ចំ​ភ្លៅ​ខាងស្ដាំ​ង​មួយ​គ្រាប់ ក្រោម​ដោះ​ស្ដាំ​មួយ​គ្រាប់ លើ​ដោះ​ស្ដាំ​មួយ​គ្រាប់ ស្លាប​ក្រ​ចៀវ​ឆ្វេង​មួយ​គ្រាប់ ស្លាប់​ភ្លាមៗ​នៅ​កន្លែងកើតហេតុ ចំណែក​ជនសង្ស័យ​បាន​គេចខ្លួនបាត់​។​

    ក្រោយពេល​កើតហេតុ ប៉ូលិស​បាន​ទៅដល់​កន្លែងកើតហេតុ​ភ្លាមៗ និង​ធ្វើការ​ស្រាវជ្រាវ ដើម្បី​ស្វែងរក​ជនសង្ស័យ មក​ផ្ដន្ទាទោស​តាមច្បាប់​៕

adverise with khmeread

មតិយោបល់