adverise with khmeread Cf7866f1 444f 4f0a a387 7077f8cbef53

វាយតប់​គ្នា​នៅ​រោងការ​របួស​២​នាក់ ត្រូវ​ប៉ូលិស​ឃាត់ខ្លួន​ម្នាក់​

    កណ្តាល ៖ មាន​ករណី​អំពើហិង្សា​ដោយ​ចេតនា​វា​គ្នា​ទៅវិញទៅមក​នៅ​រោងការ​របួស​២​នាក់​កើតឡើង​នៅ​ថ្ងែ​ទី០៥ ​ខែកក្កដា ​ឆ្នាំ២០១៦​ វេលា​ម៉ោង៨ និង១៥​នាទី​យប់​នៅ​ចំណុច ភូមិ​ពោធិ​តាប៉ាង ​ឃុំ​ស្វាយ​ប្រទាល​ ស្រុក​ស្អាង​ ខេត្តកណ្តាល​ ត្រូវ​ប៉ូលិស​ឃាត់ខ្លួន​ម្នាក់​។​

    ប៉ូលិស​និយាយថា ជនរងគ្រោះ​១-​ឈ្មោះ​ ម៉ុង​ សីហា​ ភេទ​ប្រុស ​អាយុ​២៤ឆ្នាំ ​ជនជាតិខ្មែរ​​មុខរបរ កម្មករ ​(​មាន​ស្នាម​មុត​លើ​ក្បាល​ចំនួន​មួយកន្លែង​) ​និង​២- ឈ្មោះ​ សៀង សំបូរ​ ភេទ​ប្រុស​ អាយុ​២៨​ឆ្នាំ ជនជាតិខ្មែរ​មុខរបរ ជាង​ជួសជុល​ម៉ូតូ ​(​មុត​ថ្ងាស​ក្បាល​ និង​ហើម​លើ​បោះដៃផុត​ខាងស្តាំ​មួយកន្លែង​) ​អ្នក​ទាំងពីរ​នាក់​មាន​ទីលំនៅ​ភូមិ​ពោធិ​តាប៉ាង​ ឃុំ​ស្វាយ​ប្រទាល ​ស្រុក​ស្អាង ​ខេត្តកណ្តាល​។​

    ចំណែក​ជនល្មើស​ឈ្មោះ ​ទ្រួក ប៉ូច ​ភេទ​ប្រុស ​អាយុ៣០ឆ្នាំ​ ជនជាតិខ្មែរ មុខរបរ​បើករថយន្ត​ដឹក​សំរាម​ផ្សារ​ស្អាង ​(​ឃាត់ខ្លួន​) ​មាន​ទីលំនៅៗ​ ភូមិ​ស្វាយ​តានី​ ឃុំ​ព្រែក​គយ​ ស្រុក​ស្អាង ខេ​ត​ត​កណ្តាល។​

    ប៉ូលិស​បន្តថា នៅ​ថ្ងែ​កើតហេតុ​ខាងលើ​មាន​បក្សពួក​ខាង​ជនល្មើស​ក្នុងនោះ​មានឈ្មោះ ​អូន មិនា, ឈ្មោះ​ សេន ស៊ីម, ឈ្មោះ​ដេ​ត វាសនា, ឈ្មោះ​ផន វ​ណ្ណៈ​ និងឈ្មោះ​ នៅ សីហា​ កំពុង​រាំ​តន្ត្រី​អក​កា​ដង់​ក្នុង​មង្គលការ​មិត្ត​ភ័​ក្រ​ខាង​កូន​ក​ម្លោះ​គឺ​ឈ្មោះ ​យ៉​ន សុ​ភាន​ នៅ​ភូមិ​កើតហេតុ​ខាងលើ។​

    ពេលនោះ​មាន​បក្សពួក​ខាង​កូនក្រមុំ​ក្នុងនោះ​មានឈ្មោះ ម៉ុង សីហា,​ ឈ្មោះ​ សៀង សំបូរ, ឈ្មោះ ​ឃីម សុភាព​ និង​ឈ្មោះ​ ហ៊ សេង​ហ៊​ង ក៏​រាំ​ក៏​ប៉ះ​ដៃ​គ្នា​។ ពេល​ជាមួយគ្នា​នោះ​បក្សពួក​ខាង​កូនក្រមុំ​ដាល់​ឈ្មោះ​ នៅ សីហា​ មួយ​ដៃ​ហើយ​ផ្អើលឆោឡោ​ក៏បាន​ប្រតាយប្រតប់​នឹង​គប់​គ្នា​ ដោយ​កែវ​ទៅវិញទៅមក​នៅក្នុង​រោង​មង្គលការ​ បណ្តា​យ​ឱ្យ​មាន​ស្នាម​មុត​ទាំងសងខាង​(​ស្រាល​)​។​

    ចំណែក​ឈ្មោះ ​ទ្រួក ប៉ូច​ ជា​បក្ខពួក​ខាង​កូន​ក​ម្លោះ​ឃើញ​ដូច្នេះ​ បាន​យក​កែវ​គ្មាន​ដៃ​វាយ​ក្បាល​ឈ្មោះ ​ម៉ុង សីហា ​មួយ​កែវ​បណ្តាល​ឱ្យ​មុត​ហូរឈាម​។​

    ទទួលបាន​ព័ត៌​មាន​ខាងលើ​សមត្ថកិច្ច​ប៉ុស្តិ៍​ស្វាយ​ប្រទាល ​បាន​អន្តរា​គម​ន៍ដល់​កន្លែងកើតហេតុ​និង​ឃាត់ខ្លួន​ឈ្មោះ​ ទ្រួក ប៉ូច ​ដើម្បី​បន្ត​ប្រមូលផ្តុំ​សំណុំរឿង​តាម​នីតិវីធី៕

adverise with khmeread

មតិយោបល់