adverise with khmeread 22fa6150 2d9e 4c29 9ee5 18d53425d210

បាក់​អាងទឹក​សង្កត់​ស្លាប់​កម្មករ​ម្នាក់ ​និង​របួសធ្ងន់​២​នាក់ ​​​មេការ​សំណង់​ព្យាយាម​លាក់បាំងចុងក្រោយបែកការណ៍តាម...

    ភ្នំពេញ ៖ នៅ​ម៉ោង​២​រសៀល ថ្ងៃទី​៦ ខែកក្កដា ឆ្នាំ​២០១៦​នេះ មានការ​ភ្ញាក់ផ្អើល​មួយ​បាន​កើតឡើង​នៅតាម​បណ្តោយ​ផ្លូវ​១១១ កែង​និង​ផ្លូវ​២៤២ សង្កាត់​បឹង​ព្រលឹត ខណ្ឌ​៧​មករា ក្រោយពី​គេ​ដឹងថា មាន​មនុស្សម្នា​ក់បាន​ស្លាប់ និង​២​នាក់​ផ្សេងទៀត​រងរបួស​បន្ទាប់​ពី បាក់​អាង​ស្តុក​ទឹក​នៅក្នុង​ការដ្ឋាន​សំណង់​ដ៏​ធំ​មួយ ស្ថិតនៅ​អគារ​ជាន់​ទី​២ ដែលមាន​រយៈពេល​ជាង​៣​ម៉ោង​កន្លងមក។ 

    ប្រភពពី​សមត្ថកិច្ច​បា​ន​ឱ្យដឹងថា ជនរងគ្រោះ​ឈ្មោះ សំរិត សាម៉ន ភេទ​ប្រុស អាយុ​៥០​ឆ្នាំ ជា​កម្មករសំណង់​នៅ​ទីនោះ មាន​ស្រុកកំណើត​នៅ​ភូមិ​ពោធិ៍ ឃុំ​ប្រ​ធាតុ ស្រុក​កំពង់ត្របែក ខេត្តព្រៃវែង​។ ដោយឡែក កម្មករ​ដែល​រងរបួស​ពីរ​នាក់​ទៀត គេ​នៅ​មិនទាន់​ស្គាល់​អត្តសញ្ញាណ​នៅឡើយ​ទេ​ព្រោះ​ស្ថិតក្នុង​ការសង្គ្រោះ​នៅក្នុង​មន្ទីរពេទ្យ​កាល់ម៉ែត​។ 

    ប្រភពពី​កម្មករ​ដែល​ធ្វើការ​នៅ​ទីនោះ​បា​នឱ្យដឹង​ថា មុនពេល​កើតហេតុ​មាន កម្មករ​ចំនួន​៥​នាក់​បាន​ចុះទៅ​ក្នុង​អាង​ស្តុ​ប​ទឹក​ដែល​កំពុង​សាងសង់ បណ្តាលឱ្យ​បាក់ស្រុត​លើ​កម្មករ​ម្នាក់​ស្លាប់​ភ្លាមៗ ពីរ​ទៀត​រងរបួស​ធ្ងន់ និង​ពីរ​ទៀត​គ្រាន់តែ​រងរបួស​ស្រាល​។  

  

    គ្រោះថ្នាក់​ការងារ​ខាងលើនេះ​បែរជា​មេការ​សំណង់​បាន​ព្យាយាម​លាក់បាំង​មិនឱ្យ​ព័ត៌មាន​ខាងលើនេះ ធ្លាយ​ចេញមកក្រៅ ហើយ​បាន​លួច​ដឹក​សាកសព​ចេញពី​ការដ្ឋាន​ភ្លាមៗ និង​យក​អ្នករងរបួស​ទៅ​សង្គ្រោះ​នៅ​មន្ទីរពេទ្យ​ដោយ​មិន​ប្រាប់​ដល់​អាជ្ញាធរ​មូលដ្ឋាន​​ឡើយ។ ពោលគឺ​គេ​បាន​ព្យាយាម​លាក់បាំង​រឿងនេះ រយៈពេល​ជិត​៤​ម៉ោង​ដោយ​​សមត្ថកិច្ច​ទទួលបាន​ព័ត៌មាន​ពី​ខាង​មន្ទីរពេទ្យ​មកវិញ ទើប​ធ្វើការ​ស្រាវជ្រាវ​ដឹង​ពី​ទីតាំង​ខាងលើ ហើយ​សមត្ថកិច្ច​បាន​ចុះមក​ត្រួតពិនិត្យ ហើយ​បាន​នាំខ្លួន​មេការ​សំណង់​យកទៅ​សួរនាំ​នៅ​ប៉ុស្តិ៍​បឹង​ព្រលឹត។ 

    នៅពេល​សមត្ថកិច្ច​កំពុង​សាកសួរ ប៉ុន្តែ​គេ​នៅ​មិនទាន់​ដឹងថា ប៉ូលិស​និង​ស្ថាប័ន​ជំនាញ​មាន​ចំណាត់ការ​យ៉ាងណា​ទៅលើ​មេការ​សំណង់ និង​ទីតាំង​ខាងលើ​នោះ​នៅឡើយ​ទេ​៕

adverise with khmeread

មតិយោបល់