adverise with khmeread 13624633 1008369579277957 1340346464 n   copy

ឃាត់ខ្លួនចោរឆក់ទូរស័ព្ទស្ទើរភ្លើង២នាក់

    ភ្នំពេញ ៖ កម្លាំង​ម៉ូតូ ល្បាត​ផ្នែក សួរចម្លើយ និង​សំណុំរឿង នៃ​ការិយាល័យ​នគរបាល​ព្រហ្មទណ្ឌកំ​រិត​ស្រាល រាជធានី​ភ្នំពេញ បានធ្វើការ​ល្បាត​មកដល់​ចំណុច​ក្រសួងពាណិជ្ជកម្ម​ចាស់ ផ្លូវនរោត្តម កែង​ផ្លូវ​លេខ ១១៨ សង្កាត់​ផ្សារ​ចាស់ ខណ្ឌដូនពេញ រាជធានី​ភ្នំពេញ នៅ​ថ្ងៃទី០៨ ខែកក្កដា ឆ្នាំ២០១៦ វេលា​ម៉ោង​២១ និង៣០នាទី បានឃើញ​ជនសង្ស័យ​ចំនួន០២នាក់ ភេទប្រុស ជិះ​ម៉ូតូ​មួយគ្រឿង​ម៉ាក ហុងដា សេ១២៥ ពណ៌ ខ្មៅ សេរី ២០០៥ ធ្វើ​សកម្មភាព​ឆក់​ទូរស័ព្ទដៃ​មួយគ្រឿង​ម៉ាក សាំ​សុង ពណ៌​ខ្មៅ ពី​ស្ត្រី​ម្នាក់ ពេល​ឃើញ​ដូច្នេះ​កម្លាំង​សមត្ថកិច្ច​យើង បាន​ជិះ​ម៉ូតូ​ដេញតាម​ពីក្រោយ​ជនសង្ស័យ រហូតដល់​ចំណុច ក្បែរ​វិទ្យាល័យ​ព្រះស៊ីសុវត្ថិ។

    ​ជនសង្ស័យ​ទាំង០២នាក់ឈ្មោះ ៖ ១-​ឈ្មោះ ចិន សុវិជ្ជា ភេទប្រុស អាយុ២៩ឆ្នាំ ជនជាតិខ្មែរ ស្នាក់​នៅផ្ទះ​គ្មាន​លេខ ផ្លូវលំ សង្កាត់ ច្បារអំពៅ ខណ្ឌច្បារអំពៅ រាជធានី​ភ្នំពេញ មុខរបរ រត់​ម៉ូតូឌុប, ​២-​ឈ្មោះ មង សារ៉េត ភេទប្រុស អាយុ២៩ឆ្នាំ ជនជាតិខ្មែរ ស្នាក់នៅ​ផ្ទះជួល ផ្លូវជាតិ​លេខ២ សង្កាត់ ចាក់អង្រែ​ក្រោម ខណ្ឌមានជ័យ រាជធានី​ភ្នំពេញ មុខរបរ កម្មករ​រោងចក្រ។​

​    វត្ថុតាង​ចាប់យក មធ្យោបាយ​ធ្វើ​សកម្មភាព​ម៉ូតូ​មួយគ្រឿង​ម៉ាក ហុងដាសេ១២៥ ពណ៌ខ្មៅ សេរី២០០៥ លេខ​តួ​-​លេខ​ម៉ាស៊ីន ៨១២៧៩៨៣ ស្លាក​លេខ ភ្នំពេញ ១J -2179 ក្រោយពី​ឃាត់ខ្លួន និង​មាន​ចម្លើយសារភាពរ​បស់ជនស​ង្ស័​យ​ឈ្មោះ ចិន សុវិជ្ជា ភេទប្រុស អាយុ២៩ឆ្នាំ ជនជាតិខ្មែរ និង​ឈ្មោះ មង សារ៉េត ភេទប្រុស អាយុ២៩ឆ្នាំ ជនជាតិខ្មែរ មានការ​ពាក់ព័ន្ធ​នឹង​បទល្មើស​ខាងលើ ហើយ​មានការ​សម្របសម្រួល​ពី​លោក សៀង សុខ ព្រះរាជអាជ្ញារង នៃ​អយ្យការ​អម​សាលាដំបូង​រាជធានី​ភ្នំពេញ អនុញ្ញាត​ឱ្យសមត្ថកិច្ច​យើង​ធ្វើការ​ឃាត់ខ្លួន​ជនសង្ស័យ​ឈ្មោះ ចិន សុវិជ្ជា និង​ឈ្មោះ មង សារ៉េត​ដើម្បី​ចាត់ការ​តាម​នីតិវិធី​ច្បាប់។​

    នៅ​ថ្ងៃទី០៨ ដដែល វេលា​ម៉ោង២៣ និង៥៥នាទី កម្លាំង​ជំនាញ​ការិយាល័យ​នគរបាល​ប្រ​ហ្ម​ទណ្ឌ​កំរិត​ស្រាល បាន​យក​ទឹកនោម​របស់​ជនសង្ស័យ​ឈ្មោះ ចិន សុវិជ្ជា និង​ឈ្មោះ មង សារ៉េត មក​ធ្វើតេស្ត​ប្រភេទ ONCB (​តេស្ត​រហ័ស​ស្វែងរក​សារធាតុ​ញៀន​ប្រភេទ​មេ​តំ​ហ្វេ​តាម​មីន​) ដោយ​ដំណើរការ​ធ្វើតេស្ត​នៅ​ចំពោះមុខ​ជនសង្ស័យ និង​អ្នកចូលរួម ជា​លទ្ធផល ៖ ១-​ឈ្មោះ ចិន សុវិជ្ជា ភេទ ប្រុស អាយុ ២៩ ឆ្នាំ ជនជាតិ ខ្មែរ វិជ្ជមាន (​មាន​សារធាតុ​ញៀន​),​ ២-​ឈ្មោះ មង សារ៉េត ភេទ ប្រុស អាយុ ២៩ ឆ្នាំ ជនជាតិ ខ្មែរ អវិជ្ជមាន (​គ្មាន​សារធាតុ​ញៀន​)៕

adverise with khmeread

មតិយោបល់