ពួក ISIS កាត់​ក្បាល​កីឡាករ​បាល់ទាត់​បួន​នាក់ បន្ទាប់ពី​ចោទប្រកាន់​ពួកគេ​ពីបទ​ចារកម្ម​

    ​ពួក​សកម្មប្រយុទ្ធ ISIS បាន​កាត់​ក្បាល​កីឡាករ​បាល់ទាត់​៤​នាក់ នៅក្នុង​ប្រទេស​ស៊ី​រី បន្ទាប់ពី​ពួកវា​បាន​ចោទប្រកាន់​កីឡាករ​ទាំងនោះ​ពីបទ​ធ្វើ​ចារកម្ម​ឱ្យ​ពួក​ឧទ្ទាម​ឃើ​ដ​។​

​    ​កីឡាករ​បាល់ទាត់ ដែល​បាន​លេង​ឱ្យ​ក្រុម Al-Shabab ទាំងអស់នេះ ត្រូវបាន​សម្លាប់​នៅមុខ​ហ្វូងមនុស្ស​ដ៏​ធំ​មួយ ដែល​រួមទាំង​មាន​ក្មេងៗ​ផងដែរ នៅក្នុង​ទីក្រុង Raqqa ។​

​    ​វា​បាន​កើតឡើង​បន្ទាប់ពី មេដឹកនាំ​សាសនា​ក្រុម​ភេរវកម្ម​នេះ​បាន​និយាយថា ការគាំទ្រ​កីឡាបាល់ទាត់​គឺជា​ការប្រឆាំង​អ៊ីស្លាម​។​

​    ​អត្តសញ្ញាណ​ជនរងគ្រោះ​ត្រូវបាន​បង្ហាញ​ដោយ​យុទ្ធនាការ​ក្រុម​ឧទ្ទាម​ទី​ក្រុម Raqqa ដែល​បង្ហោះ​ផងដែរ​ជាមួយ​រូបភាព​ក្រា​ហ្វី​ក​ដ៏​គួរឱ្យ​រន្ធ​ត់នៃ​សាកសព​របស់​ពួកគេ​។​

​    ​ឈ្មោះ​ជនរងគ្រោះ​ទាំងនោះ​រួមមាន Osama Abu Kuwait, Ihsan Al Shuwaikh, Nehad Al Hussen និង Ahmed Ahawakh ហើយ​ពួកគេ​បាន​ចែកចាយ​រូបថត​ក្រុមបាល់ទាត់​មួយក្រុម​ដែលមាន​ពួកគេ​ស្ថិតនៅ​ក្នុងនោះ​ផងដែរ​។​

​    ​ការរៀបចំ​ប្រកួត​កីឡាបាល់ទាត់​ត្រូវបាន​ហាមឃាត់​ដោយ ISIS អស់​រយៈពេល ២​ឆ្នាំ​មកហើយ ហើយ​ចាប់តាំងពី​ពេល​នោះមក​តួលេខ​វាយប្រហារ​ទៅលើ​អ្នកគាំទ្រ​កីឡា​បាន​កើនឡើង​លើសលប់​។​

​    ​ទើបតែ​រយៈពេល ១៣​សប្តាហ៍​កន្លងទៅ​ប៉ុណ្ណោះ ក្មេងប្រុស​អាយុ ១៣​ឆ្នាំ​ម្នាក់​ត្រូវបាន​ប្រហារជីវិត ដោយសារតែ​ទស្សនា​បាន​ទាត់​ដណ្តើមពាន​ទ្វីបអាស៊ី Asian Cup ក្នុងជំនួប​អ៊ីរ៉ាក់ និង​ហ្សកដានី​៕