adverise with khmeread 1a5c8cf7 0fa4 4519 8dde 931dc8a5bd34

ឃាត់​មនុស្ស​៤​នាក់​បើក​និង​លេងឆ្នោត​យួន​

    ភ្នំពេញ ៖ មនុស្ស​៤​នាក់​ពាក់ព័ន្ធ​ករណី​បើក​កន្លែង​លេងល្បែង​ស៊ីសង​ឆ្នោត​យួន​ ត្រូវបាន​ប៉ូលិស​ឃាត់ខ្លួន​កាលពី​ថ្ងៃទី​១២ ​កក្កដា ​ឆ្នាំ​២០១៦ វេលា​ម៉ោង​៤​ល្ងាច​នៅ​ទីតាំង​២​កន្លែង​ក្នុង​សង្កាត់​បឹងទំពុន ខណ្ឌមានជ័យ។​

    ប៉ូលិស​និយាយថា ដោយបាន​ការអនុញ្ញាត​ពី​លោក ព្រះរាជអាជ្ញារង​ តុ​ប ឈុន​ឡុង កម្លាំង​អធិការដ្ឋាន​ប៉ូលិស​ខណ្ឌមានជ័យ បាន​សហការ​ជាមួយ​កម្លាំង​ប៉ូលិស​ការិយាល័យ​ព្រហ្មទណ្ឌ​កំរិតធ្ងន់, កម្លាំង​អន្តរាគមន៍​ពិសេស នៃ​ស្នងការដ្ឋាន​ប៉ូលិស​រាជធានី​ភ្នំពេញ និង កម្លាំង​សាលាខណ្ឌ​មានជ័យ បាន​ចុះបង្ក្រាប​ទីតាំង​បើក​កន្លែង​លេងល្បែង​ស៊ីសង​ខុសច្បាប់ (​ឆ្នោត​យួន​) ​ចំនួន ០២ ទីតាំង ឃាត់ខ្លួន​ជនសង្ស័យ​សរុប​ចំនួន ០៤ នាក់។​

    ប៉ូលិស​បន្តថា ទីតាំង​ទី​១-​ស្ថិតនៅ​ផ្ទះ​លេខ សេ​១៩ ផ្លូវ​បេតុង ភូមិត្នោតជ្រុំ​២ សង្កាត់បឹងទំពុន ខណ្ឌមានជ័យ រាជធានី​ភ្នំពេញ បាន​ឃាត់ខ្លួន​ជនសង្ស័យ​ដែលជា​ម្ចាស់​ទីតាំង​ចំនួន ០២ នាក់ ដែលមាន​១-​ឈ្មោះ សន សំអាត ភេទស្រី អាយុ៤១ឆ្នាំ មុខរបរនៅផ្ទះ ស្នាក់នៅ​ផ្ទះជួល ផ្លូវ​បេតុង ភូមិ ត្នោតជ្រុំ​២ សង្កាត់ បឹងទំពុន ខណ្ឌមានជ័យ រាជធានី​ភ្នំពេញ និង​២-​ឈ្មោះ អាន ណារិន ភេទស្រី អាយុ២៩ឆ្នាំ មុខរបរនៅផ្ទះ ស្នាក់​នៅផ្ទះ​គ្មាន​លេខ ផ្លូវលំ ភូមិត្នោតជ្រុំ​២ សង្កាត់បឹងទំពុន ខណ្ឌមានជ័យ រាជធានី​ភ្នំពេញ។​

    ក្នុង​នោះបាន​ដកហូត​វត្ថុតាង​៖ ឯកសារ​សម្រាប់​កត់​ឆ្នោត​មួយចំនួន,​ ម៉ាស៊ីន​គិត​លេខ​ចំនួន​០៣​គ្រឿង​, ត្រា​ចុះ​ថ្ងៃខែ ចំនួន ០២, កាបូបដៃ​០១, ទូរស័ព្ទដៃ​ចាស់​០២​គ្រឿង​, លុយ​ដុ​លា្ល​រ​ចំនួន ២០០​ដុល្លារ , លុយ​ខ្មែរ​ចំនួន ៤០០,០០០ រៀល។​

    ទីតាំង​ទី​២-​ស្ថិតនៅ​ផ្ទះ​លេខ សេ​២០ ផ្លូវ​បេតុង ភូមិត្នោតជ្រុំ​២ សង្កាត់បឹងទំពុន ខណ្ឌមានជ័យ រាជធានី​ភ្នំពេញ បាន​ឃាត់ខ្លួន​ជនសង្ស័យ​ដែលជា​ម្ចាស់​ទីតាំង​ចំនួន ០២ នាក់ ដែលមាន​១-​ឈ្មោះ លី ប៊ុនហេង ភេទប្រុស អាយុ៣០ឆ្នាំ មុខរបរនៅផ្ទះ ស្នាក់​នៅផ្ទះ​លេខ​២១៦​សេ ផ្លូវលំ ភូមិ ក្បាល​ទំនប់  សង្កាត់បឹងទំពុន ខណ្ឌមានជ័យ រាជធានី​ភ្នំពេញ និង​២-​ឈ្មោះ លី សំណាង ភេទប្រុស អាយុ២ ឆ្នាំ មុខរបរ នៅផ្ទះ ស្នាក់​នៅផ្ទះ​លេខ​២១៦​សេ ផ្លូវលំ ភូមិ​ក្បាល​ទំនប់ សង្កាត់​បឹងទំពុន ខណ្ឌមានជ័យ រាជធានី​ភ្នំពេញ ។​

    ក្នុង​នោះបាន​ដកហូត​វត្ថុតាង​៖ ឯកសារ​សម្រាប់​កត់​ឆ្នោត​មួយចំនួន,​ ម៉ាស៊ីន​គិត​លេខ​ចំនួន​០២​គ្រឿង​, ត្រា​ចុះ​ថ្ងៃខែ ចំនួន ០២, ​ម៉ាស៊ីន​ហ្វាក់​០៣​គ្រឿង​, ទូរស័ព្ទដៃ​ចាស់​០៣​គ្រឿង​, លុយ​ខ្មែរ​ចំនួន ២,១៧០,០០០ រៀល  (​ពីរលាន​មួយ​សែន​ប្រាំ​ពីរម៉ឺន​រៀល​គត់​)៕

adverise with khmeread

មតិយោបល់