adverise with khmeread 00f6a03c 07d7 4cea b8d8 2fa25ad4bd89

ចាប់​បុរស​២​នាក់​តាម​ដីកា​ពីបទ​ប្រើ​ហិង្សា​

    កណ្តាល ៖ ប៉ូលិស​ស្រុក​អង្គស្នួល​បានធ្វើការ​ស្រាវជ្រាវ​និង​បង្ក្រាប ការចាប់ខ្លួន​តាម​ដីកា របស់​សាលាដំបូង​ខេត្តកណ្ដាល នៅ​ថ្ងៃទី​១៥ ​កក្កដា​ ឆ្នាំ​២០១៦ ​វេលា​ម៉ោង​១០ ​និង​១០​នាទី​ព្រឹក ​ចាប់ខ្លួន​នៅ​ចំណុច​ផ្លូវលំ ភូមិ​ថ្នល់ទទឹង ឃុំ​ដំណាក់​អំពិល ស្រុក​អង្គស្នួល ខេត្តកណ្តាល​។​

    ប៉ូលិស​និយាយថា ជនជាប់ចោទ ១-​ឈ្មោះ ​សេង ប៊ុន​ហៀ​ល​ ភេទ​ប្រុស ​អាយុ​១៧​ឆ្នាំ ជនជាតិខ្មែរ មុខរបរសិស្ស នៅ​ភូមិ​ថ្នល់ទទឹង ​ឃុំ​ដំណាក់​អំពិល ​ស្រុក​អង្គស្នួល ខេត្តកណ្តាល និង​២-​ឈ្មោះ ម៉ៃ ស៊ីមាន ភេទ​ប្រុស ​អាយុ​២០​ឆ្នាំ​ ជនជាតិ​ខែ្មរ​មុខរបរ​លក់ដូរ​នៅ​ភូមិ​ត្រពាំង​អំពិល ​ឃុំ​ត្រពាំង​គង ស្រុក​សំរោង​ទង ខេត្តកំពង់ស្ពឺ​។​

    ប៉ូលិស​បន្តថា ការចាប់ខ្លួន​គឺ​យោងតាម​ដីកា​បង្គាប់​ឱ្យ ចាប់ខ្លួន​លេខ​៩២៥​ដកប​.​ច​.​ខ​.​ចុះ​ថ្ងៃទី​១១.១២.២០១៥ និង​ដីកា​លេខ​៩២៦​ដ​.​ក​.​ប​ច​.​ខ​.​ចុះ​ថ្ងៃទី​១១.១២.២០១៥ ​របស់លោក ​ហុក វ៉ាន់​ធី​ណា ចៅក្រម​ជំនុំជម្រះ​សាលាដំបូង​ខេត្តកណ្តាល​ពីបទ​ហិង្សា​ដោយ​ចេតនា​
(​មាន​ស្ថាន​ទម្ងន់ទោស​) ប្រព្រឹត្ត​នៅ​ភូមិ​ព្រៃ​គោ​ឃុំ​លំហាច ស្រុក​អង្គ​ស្នូល​ខេត្តកណ្តាល​​ប្រព្រឹត្ត​នៅ​ថ្ងៃទី​១៧ ខែវិច្ឆិកា ឆ្នាំ​២០១៤៕

adverise with khmeread

មតិយោបល់