អ្នកវិទ្យាសាស្ត្រព្រមានថា បុរសងាប់លិង្គមានឱកាសខ្ពស់ក្នុងការកើតជំងឺបេះដូង ដាច់សរសៃឈាមខួរក្បាល និងស្លាប់មុនអាយុ

ការស្រាវជ្រាវមួយបានលើកឡើងថា បុរសដែលងាប់លិង្គអាចមានហានិភ័យខ្ពស់ក្នុងការកើតជំងឺបេះដូង ដាច់សរសៃឈាមខួរក្បាល ឬ ស្លាប់មុនអាយុ។ នេះយោងតាមកាសែត Daily Mail សរសេរកាលពីថ្ងៃពុធទី១១កញ្ញា។

អ្នកវិទ្យាសាស្ត្រចិនបានពិនិត្យមើលការសិក្សាចំនួន ២៥ ដែលមានបុរសចូលរួមសរុបជាង ១៥៤.០០០ នាក់។

ពួកគេបានរកឃើញថា បុរស ដែលពិបាកបះលិង្គឱ្យរឹង ងាយនឹងកើតជំងឺបេះដូង ៥៩ ភាគរយជាង បុរស ដែលគ្មានបញ្ហាជាមួយអាអូនតូច។

ការស្រាវជ្រាវនេះបានរកឃើញថា ការងាប់លិង្គក៏បង្កើនហានិភ័យនៃជំងឺដាច់សរសៃឈាមខួរក្បាល ៣៤ ភាគរយចំពោះបុរស និងការស្លាប់មុនអាយុ ៣៣ ភាគរយផងដែរ។

ក្រុមអ្នកវិទ្យាសាស្ត្របានព្រមានថា បរាជ័យក្នុងការឡើងរឹងនៃលិង្គ គឺជាសញ្ញាដំបូងបង្ហាញពីលំហូរឈាមខ្សោយនៅក្នុងរាងកាយ។

ការសិក្សានេះធ្វើឡើងដោយសាកលវិទ្យាល័យឈ្មោះ The Second Affiliated Hospital of Nanchang University។ 

បញ្ហាងាប់លិង្គប៉ះពាល់បុរសជាង ១០០ លាននាក់នៅជុំវិញពិភពលោក ដែលគ្រោងនឹងកើនឡើងដល់ ៣០០ លាននាក់ត្រឹមឆ្នាំ ២០២៥៕

adverise with khmeread
Tiger underlay 0cc51ce78ea42075c828d110dce2083d23804c4c9a1bb917ebea151827aebf16